The news is by your side.

Advertisement

برسی کی تقریب میں مریم نواز کی مزاحیہ تقریر

لاڑکانہ: مسلم لیگ ن کی نائب صدر مریم نواز گزشتہ روز پاکستان پیپلز پارٹی کی سابق چیئر پرسن شہید بے نظیر بھٹو کی برسی میں پہنچیں تو مزاحیہ تقریر کر ڈالی۔

تفصیلات کے مطابق گزشتہ روز پاکستان پیپلز پارٹی کی سابق چیئر پرسن اور سابق وزیر اعظم شہید بے نظیر بھٹو کی تیرہویں برسی منائی گئی، اس موقع پر جہاں ملک بھر سے جیالے گڑھی خدا بخش میں بے نظیر بھٹو کے مزار پر پہنچے تو وہیں اپوزیشن کے تمام سیاستدان بھی برسی میں شریک ہوئے۔

اس موقع پر پارٹی کے چیئرمین بلاول بھٹو اور کو چیئرمین آصف زرداری نے خطاب کیا۔

برسی میں مسلم لیگ ن کی نائب صدر مریم نواز بھی شریک ہوئیں تاہم اپنے خطاب کے دوران مزار اور برسی کا تقدس بھول کر مزاحیہ تقریر کر ڈالی۔

مریم نواز وزیر اعظم عمران خان پر تنقید کر کے قہقے لگانے کی نقل کرتی رہیں۔

انہوں نے مضحکہ خیز انداز اپناتے ہوئے وزیر اعظم کے حوالے سے کہا کہ وہ پی ڈی ایم کے جلسے دیکھتے ہیں، مردان کے جلسے میں بلاول بھٹو شریک نہ ہوسکے تو انہوں نے کہا کہ پی ڈی ایم میں لڑائی ہوگئی۔

مریم نواز کا کہنا تھا کہ آج مولانا فضل الرحمٰن شریک نہ ہوسکے تو عمران خان نے کہنا ہے کہ پی ڈی ایم میں لڑائی ہوگئی، کل کسی جلسے میں مریم نواز شریک نہ ہوسکے گی تب بھی وزیر اعظم یہی کہیں گے۔

Comments

یہ بھی پڑھیں