تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

مریم کی مزار قائد پر حاضری، کیپٹن (ر) صفدر نے سیاسی نعرے لگوادئیے

کراچی: مسلم لیگ ن کی رہنما مریم نواز مزار قائد پر حاضری دینے پہنچیں تو ان کے شوہر کیپٹن (ر) صفدر نے مزار کے تقدس کو پامال کردیا۔

اے آر وائی نیوز کی رپورٹ کے مطابق پی ڈی ایم جلسے میں شرکت سے قبل مریم نواز نے مزار قائد پر حاضری دی اس موقع پر ن لیگ کارکنان اور کیپٹن (ر) صفدر نے مقدس کے تقدس کو بھی پامال کردیا۔

ذرائع کے مطابق کیپٹن (ر) صفدر نے مزار کے احاطے میں سیاسی احاطے نعرے لگواتے رہے۔

عوام کو فاقے کرتا دیکھ کرہمارے دل گھبرا رہے ہیں، مریم نواز

علاوہ ازیں مریم نواز نے میڈیا سے گفتگو کرتے ہوئے کہا کہ پی ڈی ایم عوامی جذبات کی ترجمانی کررہی ہے، حکومت گوجرنوالہ جلسے سے ہل چکی ہے۔

مریم نواز کا کہنا ہے کہ عمران کہتے ہیں گھبرانا نہیں مگر صرف عوام کی تکلیفیں دیکھ کر گھبراتے ہیں، عوام کو فاقے کرتا دیکھ کرہمارےدل گھبرارہے ہیں۔

انہوں نے کہا کہ عمران خان کو اپنی ترجیحات بدلنا ہوں گی، ہماری تحریک ووٹ کوعزت دلانے تک جاری رہے گی۔

مریم جہاں بھی گئیں قوانین کی پامالی کی، شہباز گل کا ردعمل

معاون خصوصی شہباز گل نے مریم نواز کی مزار قائد پر حاضری کے موقع پر تقدس کی پامالی پر ردعمل دیتے ہوئے کہا کہ یہ بی بی جہاں بھی گئی اس نے قوانین کی پامالی کی، کیا کبھی بابائے قوم کے مزار پر ایسی حرکتیں پہلے ہوئیں؟

انہوں نے کہا کہ واقعی ان بچوں نے ایک پیسہ حلال کا نہیں کمایا، اب یہ ہرچیز کی دھجیاں اڑاتے پھر رہے ہیں، یہ عمل شرمناک ہے۔

Comments

- Advertisement -