لاہور (24 جنوری 2026): وزیر اعلیٰ پنجاب مریم نواز نے لاہور کے علاقے گلبرگ میں لگی نجی ہوٹل کی آگ کے واقعے میں ریسکیو آپریشن کو براہ راست مانیٹر کیا۔
وزیر اعلیٰ پنجاب نے ڈرون کیمروں کی مانیٹرنگ کی ویڈیو ایکس پر شیئر کرتے ہوئے کہا ہے کہ انھوں نے گلبرگ کے ہوٹل میں لگی آگ کو براہ راست مانیٹر کیا، سیف سٹی کے ڈرون کیمروں کے ذریعے ریسکیو کے کام میں مدد ملی۔
مریم نواز نے کہا ہوٹل سے انخلا اور ریسکیو کا تمام آپریشن براہ راست دیکھ رہی ہوں، سیف سٹی ڈرون سسٹم کے ذریعے انخلا اور ریسکیو آپریشن کی خود نگرانی کی، ڈرون ٹیم کی جدید ترین ٹیکنالوجی کے استعمال سے ریسکیو ٹیمیوں کو بڑی مدد ملی ہے۔
Watching live. https://t.co/AlKaHdtphe pic.twitter.com/pR2MJpaY95
— Maryam Nawaz Sharif (@MaryamNSharif) January 24, 2026
I am monitoring the entire evacuation and rescue operation through our Safe City drone system. The drone team has been a big help in assisting the teams by using latest technology. Bravo ! pic.twitter.com/ROjy69huUS
— Maryam Nawaz Sharif (@MaryamNSharif) January 24, 2026
انھوں نے کہا کہ اللہ کا شکر ہے کہ 180 سے زیادہ جانیں بچ گئیں، ایک 30 سالہ نوجوان کو زخمی حالت میں بچا لیا گیا تھا، لیکن افسوسناک طور پر اسپتال جاتے ہوئے وہ راستے میں ہی دم توڑ گیا۔ 2 ملازمین اب بھی تہہ خانے میں پھنسے ہوئے ہیں۔ انھیں محفوظ طریقے سے باہر نکالنے کے لیے تمام وسائل بروئے کار لا رہے ہیں۔
لاہور نجی ہوٹل آتشزدگی، ریسکیو 1122 ٹیموں نے 180 افراد کو بحفاظت نکال لیا
مریم نواز کے مطابق جہاں سے آگ لگی، اس جگہ کی نشان دہی ہو گئی ہے اور آگ پر قابو پا لیا گیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں