The news is by your side.

Advertisement

نوازشریف کا پاسپورٹ منسوخ ہوگا توعوام ساتھ ہوں گے، مریم نواز

اسلام آباد: مسلم لیگ ن کی مرکزی نائب صدر مریم نواز کا کہنا ہے کہ نواز شریف کا پاسپورٹ منسوخ ہوگا تو عوام ان کے ساتھ ہوں گے۔

اے آر وائی نیوز کی رپورٹ کے مطابق مسلم لیگ ن کی مرکزی نائب صدر مریم نواز نے میڈیا سے گفتگو کرتے ہوئے کہا کہ مولانا فضل الرحمان نے بلاول بھٹو کی پریس کانفرنس پر تفصیلی آگاہ کیا، بلاول سے بات کرکے پیپلزپارٹی کا موقف جاننے کی کوشش کریں گے۔

انہوں نے کہا کہ سی ای سی میں ہماری مشاورت ہوئی ہے اس سلسلے میں پی ڈی ایم میں آگاہ کریں گے، پہلے پیپلزپارٹی کو موقع دیں گے کہ وہ پی ڈی ایم اجلاس میں اپنی تجاویز رکھے۔

مریم نواز کا کہنا تھا کہ پی ڈی ایم اجلاس میں حتمی فیصلہ ہوگا ، مفروضات پر ابھی کچھ نہیں کہیں گے، یہ بات خوش آئند ہے کہ بلاول نے کہا کہ پی ڈی ایم میں مشاورت کے بعد فیصلہ کیا جائے گا۔

مزید پڑھیں: حکومت نیب کو سیاسی انتقام کیلئے استعمال کررہی ہے، مولانا فضل الرحمان

انہوں نے کہا کہ یکم جنوری کو پی ڈی ایم کے اجلاس میں اہم فیصلے ہوں گے، قبل از وقت قیاس آرائیاں کرنا بہتر نہیں، پی ڈی ایم ہی حتمی فیصلہ کرے گی۔

دوسری جانب مولانا فضل الرحمان کا کہنا تھا کہ موجودہ حکومت نیب کو سیاسی انتقام کے لیے استعمال کررہی ہے، سیاسی انتقام سے متعلق عملی ردعمل کے لیے پی ڈی ایم اجلاس میں مشاورت کریں گے۔

ان کا کہنا تھا کہ سیاسی انتقام کی روش کا خاتمہ کریں گے ، پی ڈی ایم کا مستقبل ملک میں جمہوریت ہے، ہم بڑے انقلاب کی طرف جانا چاہتے ہیں۔

Comments

یہ بھی پڑھیں