The news is by your side.

Advertisement

مریم نواز کی سروسز اسپتال میں نواز شریف سے ملاقات

لاہور: مسلم لیگ ن کی نائب صدر مریم نواز نے اپنے والد نواز شریف سے سروسز اسپتال میں ملاقات کی ہے۔

تفصیلات کے مطابق مسلم لیگ ن کی نائب صدر مریم نواز نے نواز شریف سے ملاقات ڈاکٹرز کی موجودگی میں کی ہے، مریم نواز نے ایم ایس سروسز اسپتال محمود ایاز اور طاہر شمسی سے بات کی۔

ذرائع کا کہنا ہے کہ ڈاکٹرز نے مریم نواز کو نواز شریف کی میڈیکل رپورٹس پر بریفنگ دی۔

دوسری جانب معاون خصوصی برائے اطلاعات فردوس عاشق اعوان نے کہا ہے کہ مریم نواز کی جانب سے والد سے ملاقات کرانے کی درخواست ملی تھی، وزیراعلیٰ پنجاب عثمان بزدار کی صوابدید تھی کہ ان کی درخواست منظور کرلی گئی۔

انہوں نے کہا کہ مریم کی پیرول پر رہائی کے بعد والد سے ملاقات کرائی جارہی ہے، ان کی والد سے ملاقات جاری ہے، قانون کے مطابق مریم نواز کی ملاقات کرائی جارہی ہے۔

مزید پڑھیں: مریم نواز کو والد سے ملنے کی اجازت دیں، وزیراعظم کی ہدایت

واضح رہے کہ وزیراعظم عمران خان نے وزیراعلیٰ پنجاب عثمان بزدار کو ہدایت کی تھی کہ مریم نواز کو والد نواز شریف سے ملنے کی اجازت دی جائے۔

یاد رہے کہ آج عدالت نے مریم نواز کی والد نواز شریف سے ملاقات کی درخواست مسترد کرتے ہوئے ان کے جسمانی ریمانڈ میں تین روز کی توسیع کردی تھی۔

احتساب عدالت لاہور نے مریم نواز اور ان کے کزن یوسف عباس شریف کے خلاف چوہدری شوگر ملز اور منی لانڈرنگ کیس کی سماعت کی تو دونوں ملزمان کو 14 روزہ جسمانی ریمانڈ مکمل ہونے پر سخت سیکیورٹی میں عدالت میں پیش کیا گیا تھا۔

نیب تفتیشی افسر نے عدالت میں موقف اختیار کیا تھا کہ ان کے اثاثے ان کی آمدن سے مطابقت نہیں رکھتے، مزید تفتیش کرنی ہے ریمانڈ دیا جائے۔

عدالت نے مریم نواز اور یوسف عباس کے جسمانی ریمانڈ میں تین روز کی توسیع کرتے ہوئے سماعت 25 اکتوبر تک ملتوی کردی تھی۔

Comments

comments

یہ بھی پڑھیں