The news is by your side.

Advertisement

شطرنج کے مہرو، تمھیں بدترین شکست ہوئی ہے: مریم نواز کا ٹویٹ

لاہور: مسلم لیگ ن کی رہنما مریم نواز نے سینیٹ انتخابات میں اپوزیشن اتحاد کی کامیابی کو بدترین شکست قرار دیتے ہوئے انھیں شطرنج کے مہروں سے تشبیہ دی ہے۔

تفصیلات کے مطابق اپوزیشن اتحاد کے امیدوار میر صادق سنجرانی کے چیئرمین سینیٹ منتخب ہونے کے بعد سابق وزیراعظم نواز شریف کی صاحبزادی مریم نواز نے سماجی رابطے کی ویب سائٹ ٹویٹر پر مخالفین کو مخاطب کرتے ہوئے کہا ہے، شطرنج کے مہرو! تم جیتے نہیں بلکہ تمہیں بدترین شکست ہوئی ہے۔

یاد رہے کہ آج سینیٹ انتخابات میں‌ صادق سنجرانی نے 57 ووٹ حاصل کرکے حکومتی اتحاد کے امیدوار راجا ظفر الحق کو شکست دی تھی۔ راجا ظفر الحق 46 ووٹ حاصل کر سکے۔ ڈپٹی چیئرمین کے انتخابات میں بھی اپوزیشن اتحاد کے امیدوار سلیم مانڈوی والا نے کامیابی حاصل کی۔

سینیٹ انتخابات میں اپ سیٹ کے بعد جہاں مسلم لیگ ن کے دیگر قائدین کی جانب سے شدید ردعمل آیا، وہیں مریم نواز نے بھی اپوزیشن کی اس جیت کو شکست سے تعبیر کیا۔


ایک دوسرے کو چور کہنے والے آج گلے مل گئے، سینیٹ الیکشن میں دھاندلی ہوئی: مریم اورنگزیب


انھوں نے عمران خان اور آصف علی زرداری پر کڑی تنقید کرتے ہوئے کہا کہ زرداری اور امپائر کی انگلی کا بیوپاری، تیرے دربار میں پہنچے تو سبھی ایک ہوئے۔

انھوں نے اپنے حریفوں کو شطرنج کے مہرے قرار دیتے ہوئے کہا کہ ذرا عوام کے سامنے تو آؤ، بھیڑ بکریوں کی طرح ہانکے جانے والو قوم نے تمہارا اصلی چہرہ آج دیکھ لیا۔


اپوزیشن اتحاد کے امیدوارمیرصادق سنجرانی چیئرمین سینیٹ منتخب


یاد رہے کہ ووٹنگ کے نتائج کا اعلان ہونے کے بعد وزیر مملکت برائے اطلاعات و نشریات مریم اورنگ زیب نے کہا تھا کہ چیئرمین سینیٹ کے الیکشن میں دھاندلی کی گئی، کیسے کی گئی ہم یہ بھی جانتے ہیں، ایک دوسرے کو چور کہنے والے آج گلے مل گئے ۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں