The news is by your side.

Advertisement

مریم نواز نے رانا ثنا کو عمران خان سے متعلق اہم ہدایت دے دیں

لاہور: مسلم لیگ ن کی مرکزی نائب صدر مریم نواز نے وزیر داخلہ رانا ثنا اللہ کو عمران خان سے متعلق ہدایات دے دیں۔

اے آر وائی نیوز کے مطابق مسلم لیگ ن کی رہنما مریم نواز نے سماجی رابطے کی ویب سائٹ ٹویٹر پر لکھا کہ ’رانا صاحب عمران خان کو قتل کی سازش کے ویڈیو ثبوت کے بغیر چھوڑنا مت۔

واضح رہے کہ اس سے قبل وزیر داخلہ رانا ثنا کا کہنا تھا کہ عمران خان کے پاس ممکنہ خطرے پر ٹھوس ثبوت ہیں تو شیئرکریں ہم معاملے کی مکمل تحقیقات کرانے کیلئے تیار ہیں۔

ان کا کہنا تھا کہ حکومت معاملے کی مکمل تحقیقات کرانے کیلئے تیار ہے اگر عمران خان چاہیں تو ہم اس معاملے پر جوڈیشل کمیشن بھی قائم کرسکتے ہیں۔

راناثنااللہ نے عمران خان سے قتل کی سازش کے ٹھوس ثبوت مانگ لئے، تحقیقات کی پیشکش

رانا ثنا کا کہنا تھا کہ جوڈیشل کمیشن شواہد کولے کر آزادانہ فیصلہ دے سکتا ہے اور اگر معلومات نہیں دیتے تو امریکی سازش کی طرح یہ بھی پولیٹیکل اسٹنٹ تصور ہوگا۔

وزیر داخلہ کا کہنا تھا کہ میرا مشورہ ہے عمران نیازی سکیورٹی کو سیاسی پروپیگنڈے کے طور پر پیش نہ کریں۔

Comments

یہ بھی پڑھیں