The news is by your side.

Advertisement

لگتا ہے 5ارب ڈالرز کبوتروں کے ذریعے بھارت بھجوائے گئے ،مریم نواز

لاہور : سابق وزیراعظم کی صاحبزادی مریم نواز لگتا ہے 5ارب ڈالرز کبوتروں کے ذریعے بھارت بھجوائے گئے، اب نوازشریف کے خلاف کبوتروں کی گواہی والا بڑا پکا کیس ہے۔

تفصیلات کے مطابق سابق وزیراعظم کی بیٹی مریم نواز نے سماجی رابطے کی ویب سائٹ ٹوئٹر پر نواز شریف اور دیگر کے خلاف مبینہ طور پر بھارت 4.9بلین ڈالر رقم منی لانڈرنگ کے ذریعے بھجوانے کی خبروں پر ردعمل کا اظہار کرتے ہوئے کہا کہ لگتا ہے 5ارب ڈالرز کبوتروں کے ذریعے بھارت بھجوائے گئے، نیب نے سارے کبوتر پکڑ لیے ہوں گے۔

مریم نواز کا کہنا تھا کہ کبوتر اب بطورگواہ نوازشریف کےخلاف پیش ہوں گے، لگتا ہے اب نوازشریف کے خلاف کبوتروں کی گواہی والا بڑا پکا کیس ہے۔

یاد رہے گذشتہ روز چیئرمین نیب جسٹس جاوید اقبال نے سابق نواز شریف اور دیگر کے خلاف4.9بلین ڈالر بھارت بھجوانے کی شکایات کا نوٹس لیتے ہوئے جانچ پڑتال کا حکم دیا تھا۔


مزید پڑھیں :  نوازشریف اور دیگر کیخلاف4.9بلین ڈالربھارت بھجوانے کی شکایت،چیئرمین نیب کا جانچ پڑتال کا حکم


نیب ترجمان کا کہنا تھا کہ نوازشریف پررقم منی لانڈرنگ کےذریعےبھارت بھجوانے کا الزام ہے، ورلڈ بینک مائیگریشن اینڈ رمیٹنس بک 2016 میں ذکرموجود ہے، رقم بھجوانےسے بھارت کے غیرملکی ذخائربڑھے۔

ترجمان نے مزید کہا تھا کہ منی لانڈرنگ سے رقم بھجوانے پر پاکستان کونقصان اٹھانا پڑا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں