The news is by your side.

Advertisement

مریم نواز کی آمد سے قبل ریٹرنگ افسر کے دفتر کی سراغ رساں کتے کی مدد سے تلاشی

لاہور : نواز شریف کی صاحبزادی مریم نواز کی ریٹرنگ افسر کے دفتر آمد سے قبل ان کے محافظوں نے سراغ رساں کتوں کی مدد سے تلاشی لی۔ عملے کی جانب سے اعتراض کی بھی محافظوں نے پرواہ نہیں کی۔

تفصیلات کے مطابق ن لیگ کی حکومت چلی گئی لیکن دبدبہ اور کروفر کم نہ ہوا، مریم نواز کاغذات نامزدگی کے لیے شاہانہ انداز سے آئیں، ان کی آمد سے پہلے کورٹ روم کی سراغ رساں کتوں کی مدد سے تلاشی لی گئی۔

کاغذات نامزدگی مجع کروانے کیلئے آنے والی مریم نواز کی ریٹرنگ افسر کے دفتر آمد پر کارکنوں نے پرتپاک استقبال کیا ان پر پھولوں کی پتیاں نچھاور کیں اور سیلفیاں بھی لیں۔

مریم نواز کے کمرہ عدالت میں قدم رکھنے سے پہلے کتوں کی مدد سے ایک ایک چپے کی تلاشی لی گئی، کمرہ عدالت میں کتوں کی آمد پر اعتراض کیا گیا، جسے ایک کان سے سن کردوسرے سے اڑا دیا گیا۔

کاغذات نامزدگی کی جانچ پڑتال کے موقع پر مریم نواز کارکنوں کی جلو میں شاہانہ انداز میں ریٹرننگ آفیسر کے سامنے پیش ہوئیں، ریٹرننگ افسر نے مریم نواز سے سوالات کیے۔

مزید پڑھیں : یاسمین راشد نے مریم نواز کو خوف میں مبتلا کردیا ہے،شیریں مزاری

مریم نواز نےایک سوال پر کہا کہ پالیسی بنانا سویلین حکومت کا کام ہے۔ واضح رہے کہ پی ٹی آئی کی رہنما یاسمین راشد نے مریم نواز کے کاغذات نامزدگی چیلنج کیے ہیں، ریٹرننگ افسر نے اٹھارہ جون تک فیصلہ محفوظ کرلیا۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں