لاہور : مریم نواز نے کہا ہے کہ وزیراعظم نواز شریف کے گردے میں ایک معمولی پتھری ہے جو کے قابلِ تشویش نہیں جب کہ اس حوالے سے گردش کرتی منفی خبریں بے بنیاد اور لغو ہیں۔
تفصیلات کے مطابق وزیراعظم پاکستان نواز شریف کی صاحبزادی مریم نواز نے اپنے والد کی طبعیت کے حوالے سے سماجی رابطے کی ویب سائٹ ٹوئٹر پر اپنے پیغام میں بتایا کہ ان کے گردے میں مومعمولی نوعیت کی پتھری ہے جو بے ضرر ہے صرف احتیاط کی ضرورت ہے۔
As opposed to the sensational news on media,PM is Alhamdolillah fine. Diagnosed with small kidney stone that doesn’t need any intervention.
— Maryam Nawaz Sharif (@MaryamNSharif) April 1, 2017
مریم نواز نے وزیراعظم کی بیماری کے حوالے سے میڈیا میں گردش کرتی حساس خبروں کو بے بنیاد قرار دیتے ہوئے کہا کہ الحمد اللہ وزیراعظم نواز شریف صحت مند ہیں انہیں گردے میں تکلیف کے باعث اسپتال میں داخل کیا گیا تھا۔
وزیراعظم نوازشریف ایک بار پھر علیل*
انہوں نے کہا کہ اسپتال میں جانچ پڑتال کے بعد گردے میں معمولی پتھر کی تشخص ہوئی ہے جو کہ قابل تشویش بات نہیں اور نہ ہی اس کے لیے کسی قسم کے ٹریٹمنٹ کی ضرورت ہے بلکہ معمولی احتیاط سے اس پر قابو پایا جا سکتا ہے۔
واضح رہے وزیراعظم نواز شریف پیٹ میں درد کی شکایت کے باعث اسپتال میں داخل ہوئے تھے جس کے بعد میڈیا میں ان کی طبیعت کے حوالے سے چہ موگوئیاں شروع ہو گئی تھیں اور منفی خبریں گردش کرتی رہی تھیں۔
