site
stats
پاکستان

مریم نواز نےنعیم الحق کو1ارب روپے ہرجانے کانوٹس بھجوادیا

اسلام آباد: وزیراعظم نواز شریف کی صاحبزادی مریم نواز نے تحریک انصاف کے ترجمان نعیم الحق کو ایک ارب روپے ہرجانے کا قانونی نوٹس بھجوا دیا۔

تفصیلات کےمطابق مریم نواز کی جانب سے ترجمان پی ٹی آئی کو بھیجے جانے والے نوٹس میں کہا گیا ہےکہ نعیم الحق جھوٹ بولنے پر معافی مانگیں ورنہ قانونی کارروائی کا سامنا کرنے کے لیے تیار رہوں۔

خیال رہےکہ اس سے قبل ترجمان شریف فیملی کےمطابق نعیم الحق کو ہتک عزت کا نوٹس پاکستان پینل کوڈ (پی پی سی) کی دفعہ 500 کے تحت بھجوایا جائےگا۔

یاد رہے کہ گزشتہ روز بنی گالہ کے باہر میڈیا سے گفتگو میں پی ٹی آئی ترجمان نعیم الحق نے الزام عائد کیا تھا کہ قومی سلامتی کے اہم اجلاس کی لیک ہونے والی خبر کے پیچھے پرویز رشید نہیں، بلکہ وزیراعظم نواز شریف کی بیٹی مریم نواز ملوث ہیں۔

نعیم الحق نے وزیراعظم نواز شریف کو چیلنج کیاتھا کہ وہ حلفیہ بیان دیں کہ مریم نواز اس خبر کو لیک کروانے میں ملوث نہیں ہے۔

مزید پڑھیں:وزیراعلیٰ پنجاب نے عمران خان کو قانونی نوٹس بھجوادیا

واضح رہے کہ رواں ماہ کے آغاز میں پنجاب کے وزیراعلیٰ شہباز شریف نے ان کے اہل خانہ پر کرپشن کا الزام لگانے پر پی ٹی آئی کے سربراہ عمران خان کو ہرجانے کا نوٹس بھیجا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top