The news is by your side.

Advertisement

حکومت کا مریم نواز کی جانب سے خرچ کی گئی رقم کی انکوائری کرانے کا فیصلہ

اسلام آباد: مسلم لیگ ن کے دور حکومت میں پرائم منسٹر یوتھ پروگرام میں اربوں کی مبینہ خوردبرد پر حکومت نے مریم نواز کی جانب سے خرچ کی گئی رقم کی انکوائری کرانے کا فیصلہ کیا ہے۔

تفصیلات کے مطابق حکومت نے مریم نواز کی جانب سے خرچ کی گئی رقم کی انکوائری کرانے کا فیصلہ کیا ہے، انکوائری کا فیصلہ وزیراعظم کی زیر صدارت اجلاس میں کیا گیا۔

وزیراعظم کے معاون خصوصی نعیم الحق کے مطابق مریم نواز نے یوتھ پروگرام کے نام پر قوم کے 67 ارب روپے ضائع کردئیے۔

نعیم الحق نے کہا کہ رقم بظاہر لیپ ٹاپ اور قرضوں کی مد میں خرچ کی گئی، خطیر رقم خرچ کرنے کے نتائج سامنے نہیں آئے، رقم کہاں خرچ ہوئی، آڈٹ مکمل کرانے کا فیصلہ کیا ہے۔

مزید پڑھیں: ملک لوٹنے والوں‌ سے حکومت حساب لے گی، نعیم الحق

واضح رہے کہ چند روز قبل نعیم الحق کا کہنا تھا کہ جس نے بھی پاکستان کی دولت کو لوٹا ہے تحریک انصاف کی حکومت میں اسے جواب دینا ہوگا، کسی بھی شخص سے کوئی ڈیل یا این آر او نہیں ہوگا۔

ان کا کہنا تھا کہ شہباز شریف عدالتی فیصلے کے بعد ملک سے باہر گئے اور اگر عدالت بہتر سمجھے گی تو ان کو واپس بھی بلا لے گی۔

Comments

comments

یہ بھی پڑھیں