تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

ریاست کو پوری قوت سے عمران خان کو روکنا پڑے گا، مریم نواز

لاہور: مریم نواز نے کہا ہے کہ ریاست کو پوری قوت سے عمران خان کو روکنا پڑے گا ورنہ ملک غلط ہاتھ میں چلا جائے گا۔

تفصیلات کے مطابق آج اتوار کو لاہور میں لائرز ونگ سے خطاب کرتے ہوئے مسلم لیگ ن کی چیف آرگنائزر مریم نواز نے عمران خان پر کڑی تنقید کی۔

انھوں نے کہا کہ ہم الیکشن سے نہیں ڈر رہے، لڑیں گے اور جیتیں گے لیکن ن لیگ جیت گئی تو کیا گارنٹی ہے کہ وہ الیکشن مان لے گا اورعمران خان جیتا تو کیا گارنٹی ہے وہ دوبارہ اسمبلی نہیں توڑے گا؟

مریم نواز نے کہا کہ قاسم سوری کی رولنگ پر اسمبلی توڑی گئی، آئین توڑنے والے کو گھر جانے دیا گیا، ہماری حکومت کی بھی کمزوری ہے کہ پٹیشن دائر نہیں کی، اب بھی وقت نہیں گزرا عدالت جائیں۔

انھوں نے سوال اٹھایا کہ کون ہے جو آج بھی عمران خان کو سپورٹ کر رہا ہے؟ سوری کی رولنگ پر سپریم کورٹ نے مانا کہ آئین توڑا گیا ہے، لیکن سزا کہاں ہے؟

مریم نواز نے وکلا سے خطاب میں کہا کہ پی ٹی آئی کی سیاست سہولت کاروں اور تقرریوں کے گرد گھومتی ہے، کوئی بھی غلط کام اور سہولت کاری سے انکار کر دیں، آپ کی بات میں وزن ہے، آپ ملک کے قانون کے محافظ ہیں۔

Comments

- Advertisement -