The news is by your side.

Advertisement

نوازشریف کےلیےیہ سب نیا نہیں‘ وہ پہلےبھی سزائیں بھگت چکے‘ مریم نواز

لندن : سابق وزیراعظم نوازشریف کی صاحبزادی کا کہنا ہے کہ مسلم لیگ ن کے شیرو! یاد رکھنا، فیصلہ جو بھی آئے گھبرانا نہیں، آپ کے نواز شریف کے لیے یہ سب نیا نہیں ہے۔

تفصیلات کے مطابق سماجی رابطے کی ویب سائٹ ٹویٹر پر نوازشریف کی صاحبزادی نے اپنے پیغام میں کہا کہ خوشی کی بات یہ ہے کہ کوئی لیڈر ہے جو آپ کی خاطر، وطن عزیز کی خاطر، آپ کے ووٹ کی عزت کی خاطر ڈٹ کرکھڑا ہے اور کوئی بھی قربانی دینے کو تیارہے۔

مریم نواز نے اپنے پیغام میں کارکنوں کو مخاطب کرتے ہوئے کہا کہ مسلم لیگ ن کے شیرو! یاد رکھنا، فیصلہ جو بھی آئے گھبرانا نہیں، آپ کے نواز شریف کے لیے یہ سب نیا نہیں ہے، وہ پہلے بھی نا اہلی عمرقید جیل اورجلاوطنی بھگت چکے۔

مسلم لیگ ن کی رہنما مریم نوازنے سماجی رابطے کی ویب سائٹ ٹویٹر پر اپنے پیغام میں کہا کہ فیصلہ تو25 جولائی کو ہونا ہے، ان شازشیوں اور مہروں کے چہرے اس دن یاد رکھنا، ابھی نہیں تو کبھی نہیں انشاء اللہ فتح آپ کی منتطرہے۔

واضح رہے کہ احتساب عدالت کی جانب سے اب سے کچھ دیر بعد شریف خاندان کے ایون فیلڈ ریفرنس کا فیصلہ سنایا جائے گا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں