’امی آنکھیں کھولیں، دیکھیں ابو جان آئے ہیں‘: مریم نواز کی والدہ سے آخری گفتگو -
The news is by your side.

Advertisement

’امی آنکھیں کھولیں، دیکھیں ابو جان آئے ہیں‘: مریم نواز کی والدہ سے آخری گفتگو

لندن: پاکستان روانگی سے قبل مریم نواز کی اپنی والدہ کلثوم نواز سے آخری گفتگو نے ہر آنکھ اشکبار اور ہر دل سوگوار کردیا۔

ویڈیو میں دیکھا جاسکتا ہے کہ مریم نواز اور سابق وزیر اعظم نواز شریف پاکستان روانگی سے قبل بستر علالت پر موجود سابق خاتون اول کلثوم نواز سے ملنے آئے ہیں۔

ویڈیو میں مریم نواز والدہ کے سر پر ہاتھ پھیر رہی ہیں اور ان سے کہہ رہی ہیں، ’امی آنکھیں کھولیں، دیکھیں ابو جان آئے ہیں۔ وہ آپ کے پاس کھڑے ہیں‘۔

مریم نواز کہتی ہیں، ’امی آپ کو آواز آرہی ہے نا؟‘ لیکن کلثوم نواز بے حس و حرکت ہیں اور کوئی ردعمل نہیں دے رہیں۔

یہ ویڈیو اس وقت کی ہے جب نواز شریف اور مریم نواز کو پاکستان واپس آنا تھا جہاں ان کی گرفتاری کے انتظامات مکمل تھے۔

اس سے قبل نواز شریف کی بھی ویڈیو سامنے آئی تھی جس میں وہ اپنی اہلیہ کو آوازیں دے رہے تھے لیکن انہیں کوئی جواب نہیں ملا۔

مزید پڑھیں: آنکھیں کھولو کلثوم، باؤ جی آئے ہیں

پاکستان واپسی سے قبل دونوں باپ بیٹی کی ایک اور تصویر بھی سامنے آئی تھی جس میں نواز شریف نے اپنی اہلیہ کے ماتھے پر ہاتھ رکھا ہوا تھا جبکہ مریم نواز رو رہی تھیں۔

خیال رہے کہ سابق خاتون اول  بیگم کلثوم نواز طویل علالت کے بعد گزشتہ روز لندن میں انتقال کر گئی تھیں۔

اس موقع پر نواز شریف، ان کی صاحبزادی مریم نواز اور داماد کیپٹن صفدر کو پیرول پر رہا کیا گیا ہے جس کے بعد وہ جاتی امرا پہنچ گئے ہیں۔

Comments

comments

یہ بھی پڑھیں