اسلام آباد: مسلم لیگ (ن) کی نائب صدر مریم نواز نے چیئرمین پیپلز پارٹی بلاول بھٹو کی ہمشیرہ آصفہ بھٹو کے لیے پیغام جاری کیا ہے۔
سماجی رابطے کی ویب سائٹ ٹوئٹر پر مریم نواز نے آصفہ بھٹو کے لیے لکھا کہ امید ہے کہ آصفہ بھٹو کو زیادہ تکلیف نہیں پہنچی ہوگی، دعا ہے لانگ مارچ کے تمام شرکا سلامت رہیں۔
Hope you are not hurt @AseefaBZ
May you and all the participants stay safe. Prayers 🤲— Maryam Nawaz Sharif (@MaryamNSharif) March 4, 2022
خانیوال میں بلاول بھٹو کی قیادت میں جاری لانگ مارچ میں آصفہ بھٹو چہرے پر ڈرون کیمرہ لگنے سے زخمی ہو گئیں ہیں۔ آصفہ بھٹو بلاول کے ساتھ کنٹینر پر موجود تھیں جب ڈرون کیمرا اچانک اُن کے چہرے کے نزدیک آیا۔
آصفہ نے ہاتھ سے ڈرون کو روکنے کی کوشش کی لیکن پوری طرح محفوظ نہ رہیں۔ آصفہ کے چہرے پر زخم آئے، درد سے کراہتی ہوئی نیچے بیٹھیں۔ انہیں فوری طبی امداد دے کر کنٹینر سے گاڑی میں منتقل کر دیا گیا۔
لائیو: چیئرمین پاکستان پیپلز پارٹی بلاول بھٹو زرداری کی قیادت میں عوامی مارچ خانیوال پہنچ گیا۔
https://t.co/VoBVxLPqGm— PPP (@MediaCellPPP) March 4, 2022
چیئرمین پیپلز پارٹی بلاول بھٹو ڈرون کیمرہ لگنے پر اپنی بہن آصفہ بھٹو کا ذکر کرتے ہوئے آبدیدہ ہو گئے۔ شرکا سے خطاب میں بلاول بھٹو نے کہا کہ شہید بی بی کی بیٹی بہت ہی بہادر ہے غلطی سے یا پتہ نہیں جان بوجھ کر ایک چینل کا ڈرون کیمرا آصفہ بھٹو کو لگا، ایمبولینس والے کہہ رہے تھے کہ آصفہ بھٹو زخمی ہیں، ٹانکے لگیں گے۔
