اسلام آباد : پاناما لیکس کیس کا فیصلہ آتے ہی مریم نواز نے مسرت کا اظہار کرتے ہوئے اپنے والد اور وزیر اعظم پاکستان نواز شریف کو مبارکباد پیش کی ہے ۔
تفصیلات کے مطابق وزیر اعظم نواز شریف کی صاحبزادی مریم نواز نے پاناما لیکس کیس کے فیصلے کے بعد سماجی رابظے کی ویب سائٹ ٹوئٹر پر اپنے پیغام میں کہا کہ ”مبارک وزیر اعظم نوازشریف “۔
Mubarik ! Wazir-e-Azam Nawaz Sharif ….. Alhamdolillahi Rab-al-Aalameen
— Maryam Nawaz Sharif (@MaryamNSharif) April 20, 2017
انہوں نے عدالتی فیصلے کو آئین اور قانون کے مطابق قرار دیا اور اللہ کا بھی شکر ادا کیا ۔
دوسری جانب پاناما کیس کے فیصلے کے بعد وزیر اعلیٰ پنجاب شہبازشریف نے گلے لگا کر وزیر اعظم نوازشریف کو مبارکباد دی ، اس موقع پر پرویز رشید اور عرفان صدیقی بھی موجود تھے جبکہ مریم نواز بھی اپنے والد کے ہمراہ تھیں۔
Praise & glory be to Allah alone. Shukrana & mubariks pic.twitter.com/yM92bIJJoc
— Maryam Nawaz Sharif (@MaryamNSharif) April 20, 2017
مزید پڑھیں : پاناما کیس فیصلہ: رقم قطر کیسے گئی‘ جے آئی ٹی بنانے کا حکم
یاد رہے کہ سپریم کورٹ آف پاکستان نے پاناما کیس پر فیصلہ سناتے ہوئے جوائنٹ انوسٹی گیشن کمیٹی بنانے کا حکم دیتے ہوئے کہا کہ جے آئی ٹی ہر 15روز بعد رپورٹ پیش کرے، وزیراعظم ،حسن اور حسین جےآئی ٹی میں پیش ہونگے اور جے آئی ٹی 60روز میں اپنی رپورٹ پیش کرے گی۔
سپریم کورٹ نے اپنے فیصلے میں کہا کہ وزیراعظم کی اہلیت کا فیصلہ جے آئی ٹی رپورٹ پرہوگا، جے آئی ٹی میں آئی ایس آئی، نیب کا نمائندہ، حکم سیکیورٹی ایکس چینج، ایف آئی اے کا نمائندہ بھی شامل ہوگا۔
سپریم کورٹ نے قطری خط کو مسترد کردیا اور حکم دیا کہ لندن فلیٹس کس کی ملکیت ، منی ٹریل کا پتہ چلایا جائے جبکہ دو ججز نے وزیراعظم کو نااہل کرنے کا نوٹ لکھا تھا۔
