مسلم لیگ ن کی مرکزی نائب صدر مریم نواز نے کہا ہے کہ کوئی بری نہیں ہوا انتظار کر رہی ہوں اورموقع دےرہی ہوں، شرافت سےخودہی سب کچھ عوام کوبتا دیں ورنہ مجھےبتانا پڑے گا۔
ٹوئٹر پر جاری بیان میں مریم نواز نے لکھا کہ جس کودھاندلی کیلئےاستعمال کیاگیاوہ جعلی اعظم کےحکم کے بغیر نہیں کرسکتا دھاندلی سےمتعلق میرےپاس بھی 2افرادکےنام آچکےہیں۔
مریم نواز نے کہا کہ دھاندلی نہیں، ایک منظم آپریشن تھاجواعلیٰ سطح سے ہو رہا تھا، الیکشن کمیشن عملہ اغوا کر لینا اور پوری رات ایک مقام پر رکھنا، پی ٹی آئی کےسرکردہ ارکان کی موجودگی میں نتائج تبدیل کرانا، 14گھنٹے بعد اچانک عملےکاباجماعت وارد ہوجانا نچلےلیول کاکام ہے؟ واہ،
یہ دھاندلی نہیں،ایک منظم آپریشن تھا جو اعلی سطح سے مینج ہورہا تھا۔الیکشن کمشن کا عملہ اغوا کر لینا،ان کو پوری رات ایک مقام پر رکھنا، وہاں تحریک انصاف کے سرکردہ اراکین کی موجودگی میں نتائج تبدیل کرانا اور پھر 14 گھنٹے بعد انکا اچانک با جماعت وارد ہو جانا نچلے لیول کا کام ہے؟واہ 👏 https://t.co/YjcL3dBg3L
— Maryam Nawaz Sharif (@MaryamNSharif) February 23, 2021
دوسری جانب این اے 75 میں ضمنی انتخاب کے موقع پر تعینات ریٹرننگ افسر نے الیکشن کمیشن کو بتایا ہے کہ پریزائیڈنگ افسران نے نتائج میں رد و بدل کیا، 14 پولنگ اسٹیشنز پر دوبارہ پولنگ کروائی جائے
پنجاب کے انتخابی حلقے ڈسکہ این اے 75 میں ضمنی انتخابات سے متعلق الیکشن کمیشن میں آج سماعت ہوئی، حلقے کے ریٹرننگ افسر نے اپنی رپورٹ اور ریکارڈ الیکشن کمیشن میں جمع کرا دیا۔
تحریری رپورٹ میں لکھا گیا ہے کہ 14 پولنگ اسٹیشنز پر دوبارہ پولنگ کے بعد غیر سرکاری نتائج کا اعلان کیا جائے، انتخابی سامان کی حفاظت کے لیے پولیس کے ساتھ رینجرز کا بھی انتظام کیا جائے، بظاہر لگتا ہے کہ پریزائیڈنگ افسران نے نتائج میں رد و بدل کیا ہے، پولنگ اسٹیشنز پر دوبارہ پولنگ کے لیے الیکشن کمیشن سے رابطہ کیا جائے۔
