لاہور (11 اپریل 2026): وزیر اعلیٰ پنجاب مریم نواز نے اسلام آباد میں پاکستان کی ثالثی میں امریکا اور ایران کے درمیان ہونے والے مذاکرات پر اہم بیان جاری کر دیا۔
وزیر اعلیٰ پنجاب نے سوشل میڈیا پلیٹ فارم ایکس پر جاری اپنے بیان میں کہا کہ آج پاکستان کیلیے فخر کا دن ہے ملک عالمی سطح پر قائدانہ کردار ادا کر رہا ہے۔
مریم نواز نے کہا کہ وزیر اعظم شہباز شریف، نائب وزیر اعظم اسحاق ڈار اور فیلڈ مارشل سید عاصم منیر نے پاکستان کا وقار بحال کرنے میں کلیدی کردار ادا کیا، قومی قیادت کی بدولت پاکستان کے عالمی تشخص اور وقار میں نمایاں اضافہ ہوا۔
انہوں نے مزید کہا کہ قومی قیادت کی کاوشوں نے ہر پاکستانی کا سر فخر سے بلند کر دیا ہے، پاکستان کا عالمی اسٹیج پر صفِ اوّل میں ہونا قیادت پر بھرپور اعتماد کا مظہر ہے۔
Today is a proud moment for Pakistan. Few could have imagined our nation taking a leading role on the global stage, yet here we stand.
The Prime Minister, Deputy Prime Minister, and our Field Marshal have played a pivotal role in restoring the country’s stature and pride. Their…
— Maryam Nawaz Sharif (@MaryamNSharif) April 11, 2026
امریکا ایران مذاکرات اسلام آباد میں
واضح رہے کہ امریکا اور ایران کے درمیان اہم مذاکرات آج اسلام آباد میں ہوں گے، امریکی وفد کی قیادت امریکی نائب صدر جے ڈی وینس اور ایرانی وفد کی قیادت اسپیکر باقر قالیباف کریں گے۔
وزیر اعظم شہباز شریف کی دعوت پر ہونے والے ان مذاکرات میں شرکت کیلیے دونوں ممالک کے وفود پاکستان پہنچ چکے ہیں۔
امریکی نائب صدر جے ڈی وینس کے ہمراہ نمائندہ خصوصی اسٹیو وٹکوف اور جیرڈ کشنر بھی مذاکرات کا حصہ ہوں گے جبکہ توقع ہے کہ ان مذاکرات میں چین، روس اور خلیجی ممالک بطور مبصر شرکت کریں گے۔
پاکستان کی کامیاب سفارت کاری کے نتیجے میں ہونے والے ان مذاکرات کا مقصد امریکا اور ایران کے درمیان مستقل جنگ بندی کو یقینی بنانا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں