مسلم لیگ ن کی رہنما عظمیٰ بخاری اسٹیج پر جگہ ملنے پر ناراض ہوگئیں وہ مریم نواز کی آمد پر منعقدہ جلسے میں اسٹیج تک نہ پہنچ سکیں۔
اے آر وائی نیوز کے مطابق مسلم لیگ ن کی چیف آرگنائزر مریم نواز کی وطن واپسی کے موقع پر ن لیگ نے جلسے کا انعقاد کیا اس موقع پر انہوں نے کارکنان سے خطاب کیا اور ساتھی ہی پی ٹی آئی قیادت کو تنقید کا نشانہ بنایا۔
جلسے میں شرکت کے لیے ن لیگی رہنما عظمیٰ بخاری بھی پہنچیں تھیں لیکن انہیں اسٹیج پر جگہ نہ ملی جس پر وہ ناراض ہوگئیں۔
ذرائع کا بتانا ہے کہ ن لیگ پنجاب کی ترجمان اسٹیج تک پہنچ بھی نہ پائیں اور لاہور کے پارٹی عہدیداروں کو اس کا ذمہ دار قرار دے دیا۔
عظمیٰ بخاری نے کہا کہ اتنا بڑا موقع تھا بہت خراب بندوبست کیا گیا۔
Moment of truth for Uzma Bukhari …
انکو پروگرام ہی کرنا نہیں آیا 😂😂 pic.twitter.com/HRNQuPdCTN
— Astute (@IRSoothsayer) January 28, 2023
ن لیگ کا دعویٰ جھوٹا نکلا
دوسری جانب مریم نواز کی استقبالی ریلی میں لاکھوں لوگوں کی شرکت کا ن لیگ کا دعویٰ جھوٹا نکلا ہے۔
اسپیشل برانچ سمیت مختلف قانون نافذ کرنے والے اداروں کےاعداد وشمار سامنے آگئے ہیں، ذرائع کا بتانا ہے کہ مریم نواز کی ریلی میں صرف چھ ہزار کے قریب لوگ شریک ہوئے۔
مریم نواز کی ریلی زیادہ تر بدنظمی کا شکار رہی اور اس میں شرکت کے لیے لوگوں کو لاہور کے اردگرد شہروں اور دیہات سے لایا گیا تھا۔
