مسلم لیگ ن کی سینئر نائب صدر مریم نواز شریف کے صاحبزادے محمد جنید صفدر نے شادی کے دو سال بعد اہلیہ سے علیحدگی کا اعلان کر دیا ہے۔
تفصیلات کے مطابق مسلم لیگ ن کی سینئر نائب صدر مریم نواز شریف کے صاحبزادے محمد جنید نے سوشل میڈیا سائٹ انسٹاگرام پر اہلیہ عائشہ سیف سے علیحدگی کی خبر کی تصدیق کردی۔
جنید صفدر نے پیغام میں لکھا کہ ‘میری طلاق کی خبر سچ ہے، یہ مکمل طور پر نجی معاملہ ہے اور میں میڈیا سے درخواست کرتا ہوں کہ وہ ہماری پرائیویسی کا احترام کریں۔”
ان کا مزید کہنا تھا کہ ‘مجھے امید ہے کہ اس فیصلے سے ہمیں اپنا سکون مل جائے گا، انشاءاللہ، اس بارے میں مزید کچھ نہیں کہوں گا۔’
واضح رہے کہ اگست 2021 میں لندن کے لینزبرا ہوٹل میں جنید صفدر کا نکاح عائشہ سیف سے ہوا تھا، بعد ازاں پاکستان میں شادی کی تقریبات دسمبر میں ہوئی تھیں۔
