The news is by your side.

Advertisement

مریم اورنگزیب وزیرِ مملکت برائے اطلاعات اور نشریات مقرر

اسلام آباد : وفاقی حکومت کی جانب سے رکن قومی اسمبلی مریم اورنگزیب کو وفاقی وزیرِ مملکت برائے اطلاعات اور نشریات مقرر کردیا گیا ہے۔

تفصیلات کے مطابق وزیراعظم پاکستان میاں محمد نواز شریف کی منظوری کے بعد مسلم لیگ (ن) سے تعلق رکھنے والی رکن قومی اسمبلی مریم اورنگزیب کو وفاقی وزیر اطلاعات اور نشریات کا قلمدان دے دیا گیا ہے۔

وزیراعظم کی صاحبزادی مریم نواز نے سماجی رابطے کی ویب سائیٹ پر اپنے پیغام میں مریم اورنگزیب کو مبارک باد پیش کی اور نیک تمناؤں کا اظہار کیا۔

مریم نواز نے اپنے پیغام میں کہا کہ مریم اورنگزیب ایک محنتی اور متحرک کارکن ہیں،اللہ انہیں مزید کامیابیوں سے نوازے۔

واضح رہے مریم اورنگزیب مسلم لیگ (ن) کی پنجاب سے خواتین کی مخصوص نشست پر رکن قومی اسمبلی منتخب ہوئی تھیں،وہ اپنی جماعت میں معزز اور محنتی کارکن کی حثیت سے جانی پہچانی جا تی ہیں۔

یاد رہے قومی سلامتی سے متعلق حساس خبر کے شائع ہونے کے بعد سابق وزیر اطلاعات اور نشریات پرویز رشید کو وزارت سے سبکدوش کردیا گیا تھا۔

Comments

comments

یہ بھی پڑھیں