The news is by your side.

Advertisement

مریم نواز نے شریف خاندان کی ضبط جائیداد سے حصہ مانگ لیا، نیب کا ردِ عمل

اسلام آباد: مریم نواز نے شریف خاندان کی ضبط جائیداد سے حصہ مانگ لیا، قومی احتساب بیورو نے مریم نواز کو حصہ دینے کی مخالفت کر دی۔

تفصیلات کے مطابق مریم نواز کے شریف خاندان کی ضبط جائیداد سے حصہ مانگنے کے معاملے پر نیب نے مریم نواز کو حصہ دینے کی مخالفت کی ہے، اس سلسلے میں نیب نے مریم نواز کی درخواست پر اپنا جواب احتساب عدالت میں جمع کرا دیا۔

ذرائع کا کہنا ہے کہ نیب نے اپنے جواب میں یہ مؤقف اختیار کیا ہے کہ مری، ایبٹ آباد میں جائیدادیں ریکارڈ کے مطابق کلثوم نواز کے نام ہیں، نواز شریف نے ان جائیدادوں کو اپنے ویلتھ اسٹیٹمنٹ میں ظاہر کیا، اور ایف بی آر ڈیکلیریشن میں کلثوم نواز کو زیر کفالت ظاہر کیا۔

نیب نے کہا ہے کہ ضبط شدہ جائیدادوں کو تقسیم نہیں کیا جا سکتا، اس لیے احتساب عدالت مریم نواز کی درخواست مسترد کرے۔

واضح رہے کہ مریم نواز نے توشہ خانہ ریفرنس میں ضبط جائیداد سے حصہ لینے کے لیے درخواست دی تھی، یہ پراپرٹی مری ایبٹ آباد میں ہے، جسے احتساب عدالت ضبط کر چکی ہے۔

Comments

یہ بھی پڑھیں