اسلام آباد (10 فروری 2026): سابق خاتون اوّل بشریٰ بی بی کی بہن مریم ریاض وٹو کا بانی پاکستان تحریک انصاف (پی ٹی آئی) عمران خان کی صحت کے حوالے سے اہم بیان سامنے آگیا۔
مریم ریاض وٹو نے سوشل میڈیا پلیٹ فارم ایکس پر لکھا کہ آج ہماری فیملی کی بشریٰ بی بی سے اڈیالہ جیل میں ملاقات ہوئی ہے جبکہ اس سے قبل عمران خان نے بھی ان سے ملاقات کی تھی۔
یہ بھی پڑھیں: بانی پی ٹی آئی کی میڈیکل رپورٹ سامنے آگئی
انہوں نے لکھا کہ بشریٰ بی بی نے بانی پی ٹی آئی کی صحت سے متعلق شدید تشویش ظاہر کی، عمران خان کی متاثرہ آنکھ انجکشن لگنے کے بعد 10 فیصد بھی بہتر نہیں ہوئی۔
مریم ریاض وٹو نے مطالبہ کیا کہ بانی پی ٹی آئی تک ذاتی معالج کی رسائی فوری طور پر یقینی بنائی جائے، پی ٹی آئی رہنماؤں سے درخواست ہے عمران خان کی صحت پر عدالتوں سے رجوع کریں، ان کی صحت کا معاملہ انسانی حقوق تنظیموں اور عالمی میڈیا کے سامنے بھی رکھا جائے۔
Our family met #BushraImranKhan today. Khan sahib had met her earlier today. She again expressed grave concerns about Imran Khan sahib’s health.
His damaged eye has NOT improved even 10 percent after the injection.
It is ABSOLUTELY URGENT THAT IMRAN KHAN SAHIB GETS ACCESS TO…— Maryam Riaz Wattoo (@soulful7867) February 10, 2026
بشریٰ بی بی کی بہن نے مزید لکھا کہ بانی پی ٹی آئی کو مناسب اور فوری طبی دیکھ بھال کی ضرورت ہے۔
واضح رہے کہ آج سپریم کورٹ نے وکیل سلمان صفدر کو فرینڈ آف دی کورٹ مقرر کرتے ہوئے عمران خان سے ان کی اڈیالہ جیل میں ملاقات کروانے کا حکم دیا تھا۔
سپریم کورٹ نے وکیل سلمان صفدر کو عدالتی نمائندہ اور کمیشن کے طور پر اڈیالہ جیل جانے کی ہدایت کی اور حکم دیا کہ وہ بانی پی ٹی آئی کی جیل میں موجودہ حالت، دستیاب سہولیات اور لیونگ کنڈیشن سے متعلق تفصیلی تحریری رپورٹ جمع کرائیں۔
وکیل سلمان صدر کی عمران خان
بعدازاں، انہوں نے بانی پی ٹی آئی سے جیل میں تقریباً 3 گھنٹے طویل ملاقات کی اور واپس روانہ ہوگئے۔ ان کا کہنا تھا کہ عمران خان کی صحت ٹھیک ہے ان سے ملاقات اچھی رہی ہے۔
ان کا کہنا تھا کہ سپریم کورٹ میں رپورٹ جعم کروانے تک کچھ کہنا مناسب نہیں۔
علاوہ ازیں سلمان صفدر کی سلمان اکرم راجہ سے گاڑی میں ملاقات ہوئی، انہوں نے ملاقات اور اہم پیغام سے متعلق سلمان اکرم کو آگاہ کیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں