The news is by your side.

Advertisement

مریم نواز کے پاس سب سے زیادہ فیک نیوز ہوتی ہیں، اعتزاز احسن

پی پی رہنما اعتزاز احسن نے دعویٰ کیا ہے کہ پی ڈی ایم صدق دل سے ایک دوسرے کے ساتھ نہیں، سب سے زیادہ فیک نیوز مریم نواز کے پاس ہوتی ہیں۔

لاہور ہائیکورٹ میں میڈیا سے گفتگو کرتے ہوئے پی پی رہنما اعتزاز احسن نے ایک بار پھر پی ڈی ایم اور مریم نواز کو آڑے ہاتھوں لیا۔

اعتزاز احسن کا کہنا تھا کہ پی ڈی ایم میں شامل جماعتیں سچے دل کے ساتھ ایک دوسرے کے ساتھ نہیں ہیں جب کہ سب سے زیادہ فیک نیوز مریم نواز کے پاس ہوتی ہیں۔

انہوں نے پیکا ترمیمی آرڈیننس کو جزوی درست قرار دیتے ہوئے کہا کہ اگر مریم نواز کے پاس جج کی ویڈیوز تھیں تو انہیں کسی عدالت میں پیش کیوں نہیں کیا گیا، سابق چیف جسٹس میاں ثاقب نثار کی آڈیو فیک نیوز ہے۔

اعتزاز احسن نے کہا مریم نواز جو دعوی کرتی ہے کہ میرے پاس اور بھی ثبوت ہے تو انہیں یہ ثبوت عدالت میں پیش کرنے چاہئیں۔

نواز شریف کی واپسی کے معاملے پر گفتگو کرتے ہوئے اعتزاز احسن نے کہا کہ نواز شریف کو وطن واپس لانا موجودہ حکومت کے بس کی بات نہیں نواز شریف کی میڈیکل رپورٹس بھی لیباٹری سے جعلی بنوائی گئی ہیں۔

Comments

یہ بھی پڑھیں