نوازشریف جہاں سےبھی گزرتےہیں ایک ہی نعرہ لگتاہے، ’میاں صاحب وی لویو ، مریم نواز
The news is by your side.

Advertisement

کوئی نااہل ہوکربھی سرخرو ہے اور کوئی اہل ہوکر بھی شرمندہ ہے، مریم نواز

سرگودھا : سابق وزیر اعظم نواز شریف کی صاحبزادی مریم نواز نے کہا کہ نوازشریف جہاں سےبھی گزرتےہیں ایک ہی نعرہ لگتاہے، ’میاں صاحب وی لویو، نوازشریف نے جو وعدے کیے وہ پورے کرکے دکھائے، کوئی نااہل ہوکربھی سرخروہےاورکوئی اہل ہوکربھی شرمندہ ہے۔

تفصیلات کے مطابق کوٹ مومن میں جلسے سے خطاب کرتے ہوئے سابق وزیراعظم نواز شریف کی صاحبزادی مریم نواز نے کہا کہ آج معلوم ہوان لیگ کو2013میں بھاری مینڈیٹ کیسےملا، نوازشریف جہاں سےبھی گزرتےہیں ایک ہی نعرہ لگتاہے، نوازشریف کیلئےنعرہ لگایاجاتاہے’’میاں صاحب وی لویو‘‘۔

مریم نواز کا کہنا تھا کہ نوازشریف نے2013میں اپنےلیےسرگودھاکا انتخاب کیاتھا، آج کاجلسہ دیکھ کرمیاں صاحب کی مقبولیت کااندازہ مخالفین کو ہوگیا، ملک سےآج اندھیروں کاخاتمہ ہوگیا ہے، کسی نے تو دھرنوں لاک ڈاؤن کے باوجود4سال کام کیا ہے۔

نوازشریف نےجووعدےکیےوہ پورے کرکےدکھائے

جلسے سے خطاب میں انھوں نے کہا کہ 2013 سےپہلےکراچی کی ہرگلی ہرسڑک پرقتل وغارت تھی، آج پاکستان سے دہشت گردی کا خاتمہ ہورہاہے، نوازشریف نےجووعدےکیےوہ پورے کرکےدکھائے، نوازشریف وعدےپورے کرنےوالےہیں۔


مزید پڑھیں : جس کو عوام پلس کردیں اس کوکوئی مائنس نہیں کرسکتا، مریم نواز


سابق وزیراعظم کی صاحبزادی کا کہنا تھا کہ مخالفین کو پاکستان کی ترقی ہضم نہیں ہورہی تھی، پاناما کی تحقیقات کی گئیں اور اقامہ نکال کرلےآئے، اقامہ کیا ہوتا ہے اقامہ ویزا ہوتاہے، نوازشریف کےخلاف فیصلے پر سب نے انگلیاں چبائی تھیں، کہتے ہیں نوازشریف این آراوکررہے ہیں۔

عمران خان پر تنقید کرتے ہوئے مریم نواز کا کہنا تھا کہ ایک شخص نےعدالت میں اعتراف کیایہ کمپنیاں میری ہیں، عمران خان کوعدالت میں کہا جاتا ہے نہیں یہ کمپنیاں آپ کی نہیں، جہانگیر ترین پر مقدمےکا فیصلہ آتاہے لیکن نیب کاکوئی کیس نہیں بنتا، جہانگیرترین کےم قدمے پر کوئی نگراں جج بھی مقررنہیں کیا جاتا۔

مخالفین ووٹ نہیں لےسکتےاسی لیےاداروں کےپیچھےچھپ رہےہیں

سابق وزیر اعظم کی بیٹی نے کہا کہ پاناماکےنام پرشریف خاندان کی3نسلوں کاحساب لیاگیا، مخالفین ووٹ نہیں لےسکتےاسی لیےاداروں کےپیچھےچھپ رہےہیں، جواب دیں منتخب وزیراعظم کو گھر بھیجنے کیلئے کب تک وٹس ایپ کالز اور جے آئی ٹی بنائی جائیں گی، جواب دیں پارلیمنٹ پرحملہ کرنےوالوں کوکب تک ضمانتیں دی جائیں گی، کبھی اقتدارمیں نہیں رہی پھربھی میرا کیس نیب میں بھیج دیاگیا۔

مریم نوازنے جلسے میں کارکنان سے ہاتھ اٹھا کرحلف لیا کہ عدل کیلئےجدوجہد میں نوازشریف کا ساتھ دیں گے۔

کوئی نااہل ہوکربھی سرخروہےاورکوئی اہل ہوکربھی شرمندہ ہے

انکا کہنا تھا کہ مخالفین کبھی امپائر کی انگلی کے پیچھے کبھی سپریم کورٹ کے پیچھے چھپتے ہیں، مخالفین کبھی ایک دوسرے کے پیچھے چھپتے ہیں، عوامی رائے کے مقابلے میں پاناما پاناما کا ڈرامہ کیا گیا، کوئی نااہل ہوکربھی سرخروہےاورکوئی اہل ہوکربھی شرمندہ ہے، وہ وقت دورنہیں جب پاکستان میں عدل کاپرچم بلندہوگا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی والپرشیئر کریں۔

Comments

comments

یہ بھی پڑھیں