The news is by your side.

Advertisement

پاکپتن انتظامیہ نے مریم نواز کو پلے گراؤنڈ میں ورکر کنونشن کی اجازت دے دی

پاکپتن :  مسلم لیگ ن کی نائب صدر مریم نواز کو پلے گراؤنڈ میں ورکرز کنونشن کروانے کی اجازت دے دی گئی اور کہا گیا ہے کہ صرف پلے گرائونڈ میں ہی کنونشن کی اجازت ہے، 2013 کی انتخابی مہم میں شہباز شریف کا جلسہ پلے گراؤنڈ میں ناکام ہوا تھا۔

تفصیلات کے مطابق پاکپتن میں ضلعی انتظامیہ نے مسلم لیگ ن کی مرکزی نائب صدر مریم نواز کو پلے گراؤنڈ میں ورکرز کنونشن کی اجازت دے دی ، مریم نواز پاکپتن میں ورکر کنونشن سے خطاب کریں گی۔

ضلعی انتظامیہ نے مریم نواز کو پلے گرائونڈ میں کنونشن کرنے کی اجازت دیتے ہوئے اجازت نامہ جاری کر دیا ، اجازت نامہ کے مطابق مریم نواز کو پلے گراؤنڈ کے علاوہ کہیں بھی کنونشن کرنے کی اجازت نہیں ہے۔

ایم پی اے پاکپتن میاں نوید علی نے پلے گراؤنڈ میں ورکر کنونشن کی اجازت کے لئے درخواست دے رکھی تھی، جس پر انتظامیہ نے اجازت دیتے ہوئے اجازت نامہ جاری کیا۔

دوسری جانب مسلم لیگ ن کی مقامی قیادت نے کنونشن سڑک پر کروانے کا فیصلہ کر لیا، لیگی ذرائع کا کہنا ہے کہ مریم نواز چوک آرائیں میں سڑک پر ورکرز سے خطاب کریں گی، جلسہ گاہ کی تبدیلی کا فیصلہ اجازت میں تاخیر کے باعث کیا گیا۔

2013 کی انتخابی مہم کے دوران پلے گراؤنڈ میں شہباز شریف کا جلسہ ناکام ہوا تھا، ذرائع کا کہنا ہے کہ ن لیگ نے سابقہ جلسے کی ناکامی کو مد نظر رکھتے ہوئے کنونشن پلے گراؤنڈ میں نہ کروانے کا فیصلہ کیا۔

Comments

comments

یہ بھی پڑھیں