The news is by your side.

Advertisement

عام انتخابات میں ن لیگ پی ٹی آئی کو ہمیشہ کیلئے شکست دے گی ،مریم نواز

اسلام آباد : سابق وزیراعظم نواز شریف کی صاحبزادی مریم نواز کا کہنا ہے کہ عام انتخابات میں ن لیگ پی ٹی آئی کو ہمیشہ کے لئے شکست دے گی، کبوتر کی طرح آنکھیں بند کرنے سے حقیقت کو جھٹلایا نہیں جاسکتا۔

تفصیلات کے مطابق سابق وزیراعظم نواز شریف کی صاحبزادی  مریم نواز نے احتساب عدالت میں پیشی کے موقع پر میڈیا سے گفتگو کرتے ہوئے کہا کہ ہم پوری تیاری کے ساتھ آئے ہیں، عام انتخابات میں ن لیگ پی ٹی آئی کو ہمیشہ کے لئے شکست دے گی۔

مریم نواز کا کہنا تھا کہ تقریر کو بلیک آوٹ کرنے سے بات ختم نہیں ہوگی، کبوتر کی طرح آنکھیں بند کرنے سے حقیقت کو جھٹلایا نہیں جاسکتا۔

انھوں نے مزید کہا کہ عوام اس وقت ہار جیت کے خوف سے باہر آگئے ہیں اور اب صرف اپنے حقوق کے لیے کھڑے ہو رہے ہیں۔


مزید پڑھیں : پاکستان کے عوام ناانصافی کے خلاف اب کھڑے ہوگئے ہیں، مریم نواز


گذشتہ روز جلسہ عام سے خطاب کرتے ہوئے مریم نواز کا کہنا تھا کہ پاکستان کے عوام ناانصافی کے خلاف اب کھڑے ہوگئے ہیں اور جو لوگ ان حالات میں پارٹی چھوڑ رہے ہیں اُن کا مستقبل تاریک ہوگا۔

مریم نواز کا کہنا تھا کہ مقدمے کا فیصلہ آنے سے قبل ہی تین بار نوازشریف کو سزا دے دی گئی، آپ کے لیڈر سے پارٹی کی صدارت چھینی گئی، بیٹے سے تنخواہ نہ لینے اور ویزہ رکھنے پر تاحیات نااہل کیاگیا، نوازشریف کے مقدمات میں عدل و انصاف کے پیمانے تبدیل ہوگئے۔

انھوں نے مزید کہا تھا کہ ووٹ کی پرچی کے خلاف استعمال ہونے والے مہروں کے چہرے یاد رکھنا، نوازشریف ووٹ کی پرچی اور عزت کی بات کرتا ہے، 2018 کے انتخابات میں پولنگ اسٹیشن جاکر ووٹ کی حرمت کو برقرار رکھنا اور سازشیوں کو بے نقاب کردینا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں