The news is by your side.

Advertisement

دوران پرواز اجلاس کی صدارت : مریم نواز کی شہباز شریف کو شاباشی

اسلام آباد : مسلم لیگ ن کی نائب صدر مریم نواز نے شہباز شریف کو شاباشی دیتے ہوئے کہا ملک کی خدمت اس طرح کی جاتی ہے۔

تفصیلات کے مطابق مسلم لیگ ن کی نائب صدر مریم نواز نے سماجی رابطے کی ویب سائٹ ٹوئٹر پر شہباز شریف کی دوران پرواز اجلاس کی صدارت کی تصاویر شیئر کردیں۔

مریم نواز نے کہا کہ جب ملک کا درد اور فکر ہو تو اس طرح کام کیا جاتا ہے، ایک لمحہ ضائع نہیں کیاجاتا کیونکہ یہ وقت قوم کی امانت ہوتا ہے، شاباش شہباز شریف، ملک کی خدمت اس طرح کی جاتی ہے۔

یاد رہے وزیراعظم شہباز شریف نے کراچی آمد کے موقع پر دوران پرواز اجلاس کی صدارت کی، جسمیں مفتاح اسماعیل سمیت دیگر افراد موجود تھے۔

اجلاس میں کراچی کے مسائل اور ملک کی معیشت سے متعلق غور کیا گیا اور وزیراعظم نے کراچی کو درپیش چیلنجز پر بھی بریفنگ لی۔

وزیراعظم شہباز شریف نے اس اجلاس کے منٹس بھی خود بنائے، اس موقع پر انہوں نے شرکا سے کہا کہ پاکستان تیزی سے آگے بڑھے گا۔

Comments

یہ بھی پڑھیں