ڈاکٹرز والدہ کی طبیعت کی بہتری کیلئےکوشاں ہیں ،مریم نوازmaryum
The news is by your side.

Advertisement

ڈاکٹرز والدہ کی طبیعت کی بہتری کیلئے کوشاں ہیں، دعاؤں کی درخواست ہے ،مریم نواز

لندن : سابق وزیراعظم نواز شریف کی صاحبزادی مریم نواز کا کہنا ہے کہ کلثوم نواز کو گزشتہ رات دوبارہ اسپتال میں داخل کیا گیا ،ڈاکٹرز والدہ کی طبیعت کی بہتری کیلئےکوشاں ہیں، دعاؤں کی درخواست کرتی ہوں۔

تفصیلات کے مطابق ابق وزیر اعظم میاں نواز شریف کی صاحبزادی مریم نواز جو ان دنوں اپنی والدہ کلثوم نواز کی تیما رداری کیلئے لندن میں ہیں ، مریم نواز نے سماجی رابطے کی ویب سائٹ ٹوئٹر پر اپنی والدہ کی صحت کے حوالے سے کہنا ہے کہ کلثوم نوازکی گزشتہ رات طبیعت خراب ہوئی تھی ، جس کے بعد انھیں دوبارہ اسپتال میں داخل کیاگیا۔ ڈاکٹرز والدہ کی طبیعت کی بہتری کیلئےکوشاں ہیں۔

مریم نواز نے اپنے ٹوئٹ میں اپنی والدہ کی صحت کیلئے دعاؤں کی درخواست کی ہے۔


مزید پڑھیں :  بیگم کلثوم اسپتال سے فارغ، ہمیں دعاؤں کی ضرورت ہے، نوازشریف


یاد رہے کہ چند روز قبل ہی بیگم کلثوم نواز کی تیسری سرجری ہوئی تھی، جس کے بعد انھیں اسپتال سے ڈسچارج کردیا گیا تھا، اس موقع پر میڈیا سے بہت مختصر گفتگو کرتے ہوئے نواز شریف نے کہا تھا کہ ہمیں دعاؤں کی ضرورت ہے۔

حسین نواز نے بھی میڈیا سے گفتگو کرتے ہوئے کہا تھا کہ ابھی والدہ کی مزید رپورٹس آنا باقی ہیں ، قوم سے دعاﺅں کی درخواست ہے۔

واضح رہے کہ گلے کے کینسر میں مبتلا بیگم کلثوم نواز لندن میں زیر علاج ہے ، کینسر کی تشخیص کے بعد بیگم کلثوم نواز کے دو آپریشنز ہوچکے ہیں، جس میں حلق اور سینے کا آپریشن کیا گیا تھا ، بعد ازاں ماہر معالجین کی ٹیم نے ایک اور آپریشن کا فیصلہ کیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں