The news is by your side.

Advertisement

سیکیورٹی خدشات کے باوجود مریم نواز منڈٰی بہاالدین میں جلسہ کرنے پر بضد

لاہور: مسلم لیگ ن کی نائب صدر مریم نواز نے سیکیورٹی خدشات کے باوجود کل منڈی بہاالدین میں جلسہ کرنے کی ضد لگالی ، منڈی بہاالدین انتظامیہ نےمسلم لیگ ن کوجلسےکی اجازت سے انکار کردیا ہے۔

تفصیلات کے مطابق پاکستان مسلم لیگ ن عوامی رابطہ مہم کا کل سے آغاز کرے گی ، مریم نواز کل منڈی بہاالدین میں جلسےسے خطاب کریں گی۔

منڈی بہاالدین انتظامیہ نے سیکیورٹی خدشات پر ن لیگ کو قائد اعظم اسٹیڈیم جلسے کی اجازت دینے سے انکار کردیا ہے جبکہ پاکستان مسلم لیگ ن نے ہر صورت جلسہ منعقد کرنے کا اعلان کیا ہے۔

مریم نواز نے سماجی رابطے کی ویب سائٹ ٹوئٹر پر اپنے پیغام میں کہاہے کہ اتوارکومنڈی بہاوالدین جائیں گی اور ضرور جائیں گی۔

یاد رہے 16 مئی نواز شریف نے رہنماؤں سے ملاقات میں بڑھتی ہوئی مہنگائی کے اور حکومت کے خلاف عوامی رابطہ مہم شروع کرنے کا فیصلہ کیا تھا۔

اس موقع پر نوازشریف نے کہا تھا مسلم لیگ ن اب مہنگائی پرمزیدخاموش نہیں رہےگی، حکومت نےعوام کیساتھ جورویہ اپنایاوہ کسی صورت قبول نہیں۔

Comments

یہ بھی پڑھیں