site
stats
پاکستان

ایک آتا ہے دوسرا جاتا ہے، کم ازکم آتےتوہیں ،باقیوں کی طرح بھاگ تونہیں جاتے، مریم نواز

اسلام آباد : سابق وزیراعظم نواز شریف کی صاحبزادی مریم نواز کا کہنا ہے کہ ایک آتا ہے دوسرا جاتا ہے، کم ازکم آتےتوہیں ،باقیوں کی طرح بھاگ تونہیں جاتے۔

تفصیلات کے مطابق احتساب عدالت میں پیشی کے بعد مریم نواز نے سماجی رابطے کی ویب سائٹ ٹوئٹر پر اپنے پیغام میں کہا کہ ایک آتا ہے دوسرا جاتا ہے، کم ازکم آتےتوہیں ،باقیوں کی طرح بھاگ تونہیں جاتے۔

مریم نواز عدالت میں پیشی کے بعد کیپٹن(ر)صفدر کے ہمراہ چوہدری منیر کے گھر پر پہنچی اور کارکنوں سے ملاقات کی، مریم نواز نے لیگی کارکنان سے گفتگو کرتے ہوئے کہا کہ ہمیں اپنے کارکنوں پرفخرہے، مشکل وقت میں پارٹی کارکنوں نے بھرپور ساتھ دیا، کارکن ہماری جماعت کا سرمایہ ہیں۔


مزید پڑھیں : میرے خلاف کیسزاس لیےبنائےکیونکہ نوازشریف کی بیٹی ہوں، مریم نواز


اس سے قبل شریف خاندان کیخلاف ریفرنسز کیس میں مریم نواز احتساب عدالت میں پیش ہوئیں ، اس موقع پر میڈیا سے گفتگو کرتے ہوئے انکا کہنا تھا کہ جو آئین کے سامنے سرجھکاتے ہیں انہیں ایئرپورٹ سے گرفتار کرلیا جاتا ہے‘ قانون توڑںے والوں کوئی نہیں پوچھتا، نااہلیت کے باوجود ٹرائل چل رہا ہے، اس قسم کےٹرائل قیامت تک چلتے رہیں گے۔

مریم نواز کا کہنا تھا کہ میرےخلاف کیسزاس لیےبنائےکیونکہ نوازشریف کی بیٹی ہوں، دوسروں کے وارنٹ جاری ہوتے ہیں اوروہ جلسے کررہے ہوتے ہیں۔ تحفظات کے باوجود آج عدالت میں پیش ہوئے‘ احتساب کا معاملہ جیسے چلایا گیا وہ سب کے سامنے ہے۔

سابق وزیراعظم صاحبزادی کا کہنا تھا کہ یہ احتساب نہیں انتقام ہے، اچھی بات ہےعوامی نمائندےاحتساب کیلئےپیش ہوں، ہمارےخلاف کیسزسیاسی طور پر بنائےگئےہیں، ہم گرفتاریوں سے گھبرانے والے نہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top