The news is by your side.

Advertisement

کتنا جھوٹ بولوگے؟ اللہ کوجواب بھی دیناہے،مریم نوازکاٹوئٹ

لاہور : مریم نواز کا شریف برادران کے این آر او سے متعلق خبروں پر کہنا ہے کہ کتناجھوٹ بولوگے؟اللہ کوجواب بھی دیناہے، کیا پوچھ گچھ کیلئے عزت سے شاہی جہاز بھیج کر بلایا جاتا ہے، شاباش۔

تفصیلات کے مطابق سابق وزیر اعظم نواز شریف کی صاحبزادی مریم نواز نے سماجی رابطے کی ویب سائٹ ٹوئٹر پرشریف برادران کے این آر او سے متعلق خبروں پر اپنے بیان میں کہا کہ کیا پوچھ گچھ کیلئے عزت سے شاہی جہاز بھیج کر بلایا جاتا ہے؟ کتناجھوٹ بولوگے؟اللہ کوجواب بھی ہے۔


مزید پڑھیں : نوازشریف عمرےکی ادائیگی کے بعد آج رات وطن پہنچیں گے،مریم نواز


اس سے قبل سابق وزیراعظم نواز شریف کی صاحبزادی مریم نواز نے سماجی رابطے کی ویب سائٹ ٹوئٹر پر سابق وزیر اعظم کی روضہ رسولﷺ پر حاضری کی تصاویر شیئر کرتے ہوئے پیغام میں کہا تھا کہ نوازشریف سعودی ولی عہد سے ملاقات کے بعد روضہ رسول ﷺپر حاضری کیلئے مدینہ منورہ میں ہیں،   نوازشریف عمرےکی ادائیگی کے بعدآج رات وطن پہنچیں گے۔

واضح رہے کہ وزیراعلیٰ پنجاب اور سابق وزیراعظم کے دورہ سعودی عرب پر تھے، جس پر کہا جارہا تھا شریف برادران این آر او کے سعودی عرب گئے ہیں جہاں انھوں نے سعودی ولی عہد محمد بن سلمان اور دیگر اہم شخصیات سے ملاقات کی ہیں۔

ذرائع نے دعویٰ کیا تھا کہ شریف برادران سے سعودی ایجنسیز نے کرپشن سے متعلق تحقیقات کیں، دونوں بھائی مبینہ طورپر کرپشن کے الزام میں گرفتار سعودی شہزادوں کے پارٹنر رہ چکے ہیں، سعودی ایجنسیوں نے شریف برادران سے معلومات کی ضرورت محسوس کی، شریف برادران کے سعودی عرب میں قیام کی وجہ یہی ہے۔

خیال رہے وزیر اعلیٰ پنجاب شہباز شریف سعودی عرب سے وطن واپس پہنچ چکے ہیں جبکہ نواز شریف آج شام سعودی ایئرلائن کی پرواز سے اسلام آبادپہنچیں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں