site
stats
پاکستان

کلبھوشن کی اہلخانہ سے ملاقات ،مشال ملک نے بھی بھارت سے مطالبہ کردیا

اسلام آباد : بھارتی جاسوس کلبھوشن کی اہلخانہ سے ملاقات کے بعد کشمیری حریت رہنما یاسین ملک کی اہلیہ مشال ملک نے بھارت سے مطالبہ کیا کہ یاسین ملک سے ملاقات کی اجازت دی جائے، بھارت نے میری بیٹی کواپنے والد سے دور کررکھا ہے۔

تفصیلات کے مطابق بھارتی جاسوس کلبھوشن کی اہلخانہ سے ملاقات کے بعد کشمیری حریت رہنما یاسین ملک کی اہلیہ مشال کا اپنے ویڈیو پیغام میں کہا کہ عالمی عدالت جانیوالا بھارت یاسین ملک کو ملنے نہیں دے رہا، یاسین ملک کوگزشتہ تین سال سے اہلخانہ سے ملنے کی اجازت نہیں دی، میری بیٹی کووالد سے دورکررکھا ہے۔

مشعال ملک کا کہنا تھا کہ کہ عالمی عدالت جانے والا بھارت کس قانون کے تحت دہشتگردکوبچانے کی کوشش کررہا ہے، بھارت کشمیریوں سے دہشتگردوں جیسا سلوک کررہا ہے۔

مشال ملک نے بھارت سے مطالبہ کیا کہ یاسین ملک سے ملاقات کی اجازت دی جائے۔

یاد رہے کہ بھارتی دہشت گرد کلبھوشن یادیو کی اہلیہ اور والدہ ملاقات کے لئے آج صبح پاکستان آئیں تھیں ، دونوں خواتین نے کلبھوشن سے ملاقات کی ، جو 40 منٹ تک جاری رہی۔


مزید پڑھیں : بھارتی دہشت گردکلبھوشن کی اہلیہ اوروالدہ سےملاقات


ملاقات میں بھارتی ڈپٹی ہائی کمشنرجےپی سنگھ بھی موجودتھے جبکہ پاکستان کی جانب سے ڈاکٹرفاریہ بگٹی ملاقات میں موجود تھیں۔

ترجمان دفترخارجہ کا کہنا تھا کہ اپناوعدہ پورا کرتے ہیں، جو وعدہ کیاوہ پوراکرکے دکھایا۔

ڈاکٹرمحمد فیصل نے ٹوئٹ میں کہا تھا کہ بانی پاکستان کی سالگرہ پرانسانی بنیادوں پرکلبھوشن یادیوکووالدہ اوراہلیہ سے ملنے کی اجازت دی ہے

اس موقع پر دفتر خارجہ کے اطراف سیکیورٹی مزید سخت کردی گئی اور پولیس سمیت دیگر سیکیورٹی اہلکاروں کے دستے بھی تعینات تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top