The news is by your side.

Advertisement

ملزم کی سزائے موت عمر قید میں تبدیل، مشال خان کے والد کا فیصلے کیخلاف سپریم کورٹ جانے کا اعلان

پشاور: مشال خان کے والدنے پشاور ہائی کورٹ کے فیصلے کیخلاف سپریم کورٹ جانے کا اعلان کرتے ہوئے کہا مشال خان واپس نہیں آسکتا لیکن میں انصاف کیلئے جدوجہد کررہا ہوں۔

تفصیلات کے مطابق پشاور ہائی کورٹ کے فیصلے کے بعد مشال کے والد محمد اقبال نے میڈیا سے گفتگو کرتے ہوئے فیصلے کیخلاف سپریم کورٹ جانے کا اعلان کردیا۔

محمداقبال نے کہا کہ مشال خان واپس نہیں آسکتالیکن میں انصاف کیلئےجدوجہدکررہاہوں، ہم نے اپیلیں سزائیں بڑھانے کیلئے دائر کی تھیں، فیصلہ کرنا ججز کااختیارہے، وکلاسے مشاورت کرکے سپریم کورٹ میں اپیل دائر کریں گے۔

مزید پڑھیں : مشال خان قتل کیس : مرکزی ملزم عمران علی کی سزائے موت عمر قید میں تبدیل

یاد رہے پشاور ہائی کورٹ نے مشال قتل کیس میں انسداد دہشت گردی عدالت فیصلے کے خلاف دائر اپیلوں پر محفوظ فیصلہ سناتے ہوئے
مرکزی ملزم عمران علی کی سزائے موت عمر قید میں تبدیل کرتے ہوئے ضمانت پر رہا کئے گئے 25 ملزمان کی ضمانت مسترد کردی۔

عدالت نے تین سال سزا پانے والے 25 ملزمان کو گرفتار کرنے کا بھی حکم دیا اور عمر قید کی سزا پانے والے 7 ملزمان کی سزا کو برقرار رکھا ہے۔

یاد رہے پشاور ہائی کورٹ نے مشال قتل کیس میں انسداد دہشت گردی عدالت کے فیصلے کے خلاف اپیلوں پر فیصلہ 29 ستمبر کو محفوظ کیا تھا۔

Comments

یہ بھی پڑھیں