تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

حجاج کرام کے لیے مسجد الخیف کے حوالے سے اچھی خبر

ریاض: سعودی عرب نے منیٰ میں مسجد الخیف دوبارہ کھولنے کا اعلان کر دیا۔

تفصیلات کے مطابق سعودی وزارت اسلامی امور، دعوت و رہنمائی نے عازمین حج کے لیے منیٰ میں مسجد الخیف باقاعدہ کھولنے کا اعلان کیا ہے۔

2 سال سے کرونا وبا کے دوران محدود حج کے باعث مسجد کو نہیں کھولا گیا تھا، اب دو سالہ بندش کے بعد مسجد کو زائرین کے استقبال کے لیے تیار کرنے کی ہدایت جاری کی گئی ہے۔

سعودی وزارت کا کہنا ہے کہ 8، 10، 11، 12اور 13 ذی الحجہ کو عازمین مسجد الخیف میں نماز ادا کر سکیں گے، اس سلسلے میں حجاج کی آسانی کے لیے تمام سہولتیں فراہم کر دی گئی ہیں۔

محرم قوانین پر عمل نہ کرنے والی خواتین عازمین حج کیلئے اہم فیصلہ

مسجد الخیف میں تاریخ کی سب سے بڑی توسیع 1407 ہجری میں کرائی گئی تھی، اس مسجد کا رقبہ 23 ہزار مربع میٹر سے زیادہ ہے، اور اس میں 25 ہزار افراد کی گنجائش ہے۔

وزارت کی جانب سے مسجد میں کی جانے والی تیاریوں میں فرنشنگ، صفائی، سینیٹائزیشن، ایئر کنڈیشننگ سسٹم کی دیکھ بھال، لائٹنگ، ایک ہزار سے زائد بیت الخلاؤں کی تیاری، اسلامی معلومات کے لیے کاؤنٹر، فتویٰ کیبنٹ، الیکٹرانک مانیٹر کی تعداد میں اضافہ، اور چوبیس گھنٹے کام کرنے کے لیے مینٹیننس کمپنیوں کی تعیناتی اور مینٹیننس اور بحالی کے کاموں پر فیلڈ سپروائزرز کو بھیجنا شامل ہیں۔

Comments

- Advertisement -