The news is by your side.

Advertisement

ماس ویکسی نیشن سینٹرز کے لیے وفاقی اسپتالوں سے عملہ طلب

اسلام آباد: وزارت صحت نے ماس ویکسی نیشن سینٹرز کے لیے اسپتالوں سے عملہ مانگ لیا ہے۔

اے آر وائی نیوز کے مطابق کرونا وبا کی تیسری لہر کے دوران 60 سال سے زائد عمر کے شہریوں کو محفوظ رکھنے کے لیے ماس ویکسی نیشن سینٹرز کے قیام کی تیاریاں جاری ہیں، اس سلسلے میں 15 شہروں میں مراکز کل سے فعال ہوں گے۔

ذرائع نے کہا ہے کہ ماس ویکسی نیشن سینٹرز کرونا کے حساس شہروں میں قائم کیے جا رہے ہیں، اسلام آباد میں بھی ماس ویکسی نیشن سینٹر کے قیام کی تیاریاں جاری ہیں، اور یہاں مرکز آئیسولیشن اسپتال میں بنانے کا فیصلہ کیا گیا ہے۔

ذرائع کے مطابق ماس ویکسی نیشن سینٹرز میں یومیہ 4 ہزار افراد کی ویکسی نیشن ہوگی، ویکسی نیشن مراکز میں 40 کاؤنٹر، 9 آبزرویشن بیڈز دستیاب ہوں گے، جب کہ اسلام آباد ماس ویکسی نیشن سینٹر میں 18 بڑے، 12 چھوٹے کمرے ہوں گے۔

اسلام آباد ماس ویکسی نیشن سینٹر میں 3 ڈاکٹرز، 6 نرسز ڈیوٹی کریں گے، مرکز میں 40 ویکسینیٹرز، اور 14 ڈیٹا آپریٹرز بھی ڈیوٹی کریں گے۔

حکومت کا شہریوں کی کرونا ویکسینیشن میں تیزی لانے کا فیصلہ

ذرائع کا کہنا ہے کہ اس سلسلے میں وزارت صحت نے اسپتالوں سے عملہ مانگ لیا ہے، اور وفاقی اسپتالوں اور سینٹرل ہیلتھ اسٹیبلشمنٹ کو مراسلہ ارسال کیا گیا۔

خیال رہے کہ ماس ویکسی نیشن سینٹرز میں 60 سال سے زائد عمر والوں کی ویکسی نیشن ہوگی۔

Comments

یہ بھی پڑھیں