میگا منی لانڈرنگ کیس، اسلم مسعود سعودی عرب میں انٹرپول کے ہاتھوں گرفتار
The news is by your side.

Advertisement

میگا منی لانڈرنگ کیس، اسلم مسعود سعودی عرب میں انٹرپول کے ہاتھوں گرفتار

اسلام آباد: میگا منی لانڈرنگ کیس میں اہم پیش رفت ہوئی ہے، سعودی عرب سے اومنی گروپ کے چیف فنانشل افسر اسلم مسعود کو ڈی پورٹ کیے جانے کے بعد انٹرپول نے گرفتار کرلیا۔

تفصیلات کے مطابق اومنی گروپ کے چیف فنانشل افسر اسلم مسعود کو ایف آئی اے ٹیم نے ایئرپورٹ سے حراست میں لے لیا، ذرائع کے مطابق اسلم مسعود منی لانڈرنگ کیس کے حوالے سے اہم معلومات رکھتے ہیں۔

ذرائع کے مطابق انور مجید کی کمپنی کیم کراؤن کے تمام معاملات اسلم مسعود دیکھتے تھے، منی لانڈرنگ کے لیے کیم کراؤن کا پلیٹ فارم استعمال ہوتا تھا۔

ذرائع کا کہنا ہے کہ اسلم مسعود نے منی لانڈرنگ کی معلومات کے لیے رضامندی ظاہر کی ہے، انہوں نے منی لانڈرنگ کے لیے اپنی کمپنی بھی بنا رکھی تھی۔

ملزم اسلم مسعود کو راہداری ریمانڈ کے لیے کل عدالت میں پیش کیا جائے گا۔

نیب نے عبدالغنی مجید کی دوسرے کیس میں گرفتاری ظاہر کردی

دوسری جانب نیب نے عبدالغنی مجید کی دوسرے کیس میں بھی گرفتاری ظاہر کردی ہے، عبدالغنی مجید کی گرفتاری کیس نمبر 21163 میں ظاہر کی گئی ہے، عبدالغنی مجید کے وارنٹ کی تعمیل کا نیب کا خط سپرنٹنڈنٹ جیل ملیر کو موصول ہوگیا۔

نیب ذرائع کے مطابق غیرقانونی الاٹمنٹ انکوائری میں 28 جنوری کو وارنٹ جاری ہوئے تھے، انکوائری میں ڈی جی ایس بی سی اے منظور قادر کاکا مفرور ہیں۔

واضح رہے کہ کراچی کی بینکنگ کورٹ نے عبدالغنی مجید کو نیب حراست میں دینے کی درخواست آج مسترد کردی تھی، نیب نے سندھ ہائی کورٹ کا فیصلہ چیلنج کرنے کا عندیہ دیا تھا۔

Comments

comments

یہ بھی پڑھیں