The news is by your side.

Advertisement

مستونگ: مسافر بس اور کار میں خوفناک تصادم، 4 بچوں سمیت 7 افراد جاں بحق

مستونگ: صوبہ بلوچستان کے ضلع مستونگ میں مسافر کوچ اور کار کے درمیان ہونے والے خوفناک تصادم ہوا ہے، حادثے میں جاں بحق افراد سات تک جاپہنچی ہے۔

ریسکیو ذرائع کے مطابق حادثہ کردگاپ کے علاقے پڈین میں پیش آیا، جہاں تیز رفتار کوچ مخالف سمت سے آنے والی کار سے ٹکراگئی، افسوسناک واقعے کے نتیجے میں سات افراد موقع پر ہی جاں بحق جبکہ تین زخمی ہوئے۔

ریسکیو ذرائع کے مطابق جاں بحق ہونے والوں میں چار بچے اور دو خواتین بھی شامل ہیں، حادثے کے نتیجے میں کار مکمل طور پر تباہ ہوگئی جبکہ کوچ کو بھی کافی نقصان پہنچا۔

امدادی ٹیموں نے لاشوں اور زخمیوں کو رورل ہیلتھ سینٹر مستونگ منتقل کیا، انچارج آر ایچ سی ڈاکٹر شیر ملا زئی کے مطابق حادثے میں بچے سمیت تین افراد بھی شدید زخمی ہوئے جنہیں طبی امداد دی جارہی ہے۔

آج ہی پاکستان کے سیاحتی علاقے باغ آزاد کشمیر میں کار پر پہاڑی تودہ گرنے کے نتیجے میں تین افراد لقمہ اجل بنے تھے۔

یہ بھی پڑھیں:  آزادکشمیر: پہاڑی تودے نے قیامت ڈھادی، 3 افراد لقمہ اجل بن گئے

ریسکیو ذرائع کے مطابق باغ آزادکشمیر میں مظفرآباد شاہراہ پر پہاڑی تودے نے سیر وتفریح کے لئے افراد پر قیامت ڈھادی، حادثہ غازی آباد کے قریب مکھیالہ کے مقام پر پیش آیا، جہاں کار سوار افراد پر پہاڑی تودہ آن گرا۔

ریسکیو ذرائع کے مطابق حادثے کے نتیجے میں تین افراد موقع پر ہی جاں بحق جبکہ ایک شدید زخمی ہوا، پہاڑی تودہ گرنے کے باعث کار مکمل طور پر تباہ ہوگئی، تودے کی زد میں آنے والی کار کو کاٹ کر جاں بحق افراد کو نکالا گیا۔

Comments

یہ بھی پڑھیں