سانحہ مستونگ کی ذمہ دارحکومت ہے، پاکستان کھپے، آصف علی زرداری -
The news is by your side.

Advertisement

سانحہ مستونگ کی ذمہ دارحکومت ہے، پاکستان کھپے، آصف علی زرداری

اسلام آباد : پاکستان پیپلز پارٹی کے شریک چیئرمین آصف علی زرداری نے کہا ہے کہ سانحہ مستونگ کی ذمہ داری حکومت پرعائدہوتی ہے، ہم آج پھر کہتے ہیں کہ پاکستان کھپے۔

ان خیالات کا اظہار انہوں نے اسلام آباد میں مولانا فضل الرحمٰن سے ملاقات کے موقع پر کیا، ملاقات میں پاناما کیس کے فیصلےکے بعد کی صورتحال پر بھی تبادلہ خیال کیا گیا۔

 سابق صدرآصف زرداری نے مولانا عبدالغفور حیدری پرحملے کی مذمت کرتے ہوئے اپنے گہرے دکھ اور غم و غصے کا اظہار کیا، انہوں نے کہا کہ دکھ کی ہرگھڑی میں مولانا فضل الرحمان کے ساتھ ہیں۔

بعد ازاں دونوں رہنماؤں کا میڈیا سے گفتگو کرتے ہوئے کہنا تھا کہ نیشنل ایکشن پلان پرعملدرآمد کیلئےحکومت پر دباؤ بڑھایا جائے گا۔ آصف زرداری نے کہا کہ سانحہ مستونگ کی ذمہ داری حکومت پرعائد ہوتی ہے، موجودہ صورتحال میں قومی اتحاد کی اشد ضرورت ہے۔

ان کا کہنا تھا کہ ہم نے ہر موقع پر کہا اورآج پھر کہتے ہیں کہ پاکستان کھپے، قوم ایک پلیٹ فارم پر ہو تو کوئی وجہ نہیں کہ ایسے واقعات ہوں۔

میڈیا سے گفتگو میں مولانافضل الرحمان نے کہا کہ پوری قوم کودہشت گردوں کےخلاف متحد ہونا ہوگا، دکھ کی اس گھڑی میں یکجہتی کا اظہارکرنے والوں کاشکریہ ادا کرتاہوں، ان کا کہنا تھا کہ دہشت گردی کیخلاف مشترکہ حکمت عملی بنائی جاسکتی ہے۔

Comments

comments

یہ بھی پڑھیں