site
stats
پاکستان

لاہور: دسویں جماعت کے امتحانی نتائج کا اعلان، طلباء بازی لے گئے

لاہور: میٹرک بورڈ لاہور نے دسویں جماعت کے امتحانات کے نتائج کا اعلان کردیا، نتائج میں طلباء نے میدان مار لیا، ڈویژنل پبلک اسکول ماڈل ٹاؤن کے طلبہ نے پہلی تینوں پوزیشنیں حاصل کرلیں۔

تفصیلات کے مطابق لاہور میں دسویں جماعت کے امتحانی نتائج کا اعلان کردیا گیا ہے، لاہور بورڈ نے میٹرک کے سالانہ امتحانات میں بورڈ میں ٹاپ کرنے والے طلبہ کے ناموں کا اعلان کردیا۔

چیئرمین لاہور بورڈ نصر اللہ ورک نے پوزیشن حاصل کرنے والے طلبہ کے ناموں کا اعلان کیا ، پہلی تینوں پوزیشنیں ڈویژنل پبلک اسکول ماڈل ٹاؤن کے طالب علموں نے حاصل کیں ۔

پہلی پوزیشن رانا عمر فرمان نے1087 نمبر لے کر حاصل کی ، دوسری پوزیشن محمد شایان وحید نے 1086 نمبر لیکر حاصل کی جبکہ سید مومن علی اور حسین مشتاق نے 1085 نمبر لیکر مشترکہ تیسری پوزیشن حاصل کی۔

پوزیشن حاصل کرنے والے طلباء کو انعامات دینے کی تقریب کل الحمرا ہال میں منعقد کی جائے گی۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top