The news is by your side.

Advertisement

مزدورکی بیٹی نے میٹرک میں پہلی پوزیشن حاصل کرلی

ملتان : گھروں میں کام کرنے والی لڑکی حفصہ رمضان نے میٹرک آرٹس گروپ کے امتحان میں پہلی پوزیشن حاصل کرلی، ہونہار طالبہ کی خواہش ہے کہ وہ مستقبل میں پروفیسر بنے۔

تفصیلات کے مطابق غریب کی بیٹی نے اپنے والدین کا سر فخرسے بلند کردیا، تعلیمی بورڈ ملتان نے میڑک کے سالانہ امتحانات 2017کے نتائج کا اعلان کردیا۔

امتحانی نتائج کے مطابق میٹرک آرٹس گروپ کے امتحانات میں پہلی پوزیشن حاصل کرنے والی طالبہ حفصہ رمضان 1053 نمبر حاصل کرکے پہلی پوزیشن کی حقدار قرار پائیں۔

حفصہ رحمان کا تعلق ایک غریب گھرانے سے ہے اور وہ مختلف گھروں میں کام کاج کرکے اپنے والد کا ہاتھ بٹاتی ہے اور اس کے ساتھ ساتھ اپنی پڑھائی پر بھی پوری توجہ دیتی ہے۔

اے آر وائی نیوز سے گفتگو کرتے ہوئے اس ہونہار طالبہ نے اپنی خواہش کا اظہار کرتے ہوئے کہا کہ میں اپنی تعلیم مکمل کرکے ٹیچر یا پروفیسر بننا چاہتی ہوں۔

دوسری جانب حفصہ رمضان کے والدین اور اساتذہ بچی کی پڑھائی اور اس کے اخراجات کے حوالے سے پریشان ہیں، حفصہ کے والد نے حکومت پنجاب اور خصوصاً وزیراعلیٰ شہباز شریف سے اپیل کی ہے کہ وہ تعلیمی اخراجات کیلئے ہرممکن تعاون کریں۔


مزید پڑھیں: ریڑھی لگانے والے لاہور کے طالبعلم کی میٹرک میں‌ اوّل پوزیشن


یاد رہے کہ لاہور بورڈ کے تحت ہونے والے میٹرک آرٹس گروپ کے امتحانات میں ریڑھی لگانے والے محمد اسامہ نے بھی پہلی پوزیشن حاصل کی ہے۔

طالب علم اسامہ ایک محنت کش ہے جو لُنڈا بازار شیخوپورہ میں ریڑھی لگا کراپنے خاندان کا پیٹ پالتا ہے اور تعلیمی اخراجات پورے کرتا ہے۔

علاوہ ازیں فیصل آباد میٹرک بورڈ کے امتحان میں سرکاری اسکول کے طالب علم اور غریب ڈرائیور کے بیٹے حافظ محمد زید نے میٹرک جنرل گروپ میں 975 نمبر حاصل کرکے تیسری پوزیشن حاصل کی ہے۔

Print Friendly, PDF & Email

Comments

comments

یہ بھی پڑھیں