شمالی کوریا کےحملے کاسخت جواب دیاجائےگا ‘امریکہ -
The news is by your side.

Advertisement

شمالی کوریا کےحملے کاسخت جواب دیاجائےگا ‘امریکہ

سیئول: امریکی وزیردفاع کاکہناہےکہ شمالی کوریاکی جانب سے جوہری ہتھیاروں کے استعمال کا سخت جواب دیاجائےگا۔

تفصیلات کےمطابق امریکی وزیرِ دفاع جیمز میٹس نےجنوبی کوریا کےدورے کےدوران کہا کہ اس سال کےآخر میں جنوبی کوریا میں امریکی دفاعی میزائل نظام نصب کرنے کے منصوبے کی تصدیق ہے۔

شمالی کوریا سے متعلق امریکی وزیردفاع کا کہناتھاکہ امریکہ شمالی کوریا کی جانب سے کی گئی کسی بھی قسم کی جارحیت کا زبردست جوا ب دےگا۔

امریکہ کےجنوبی کوریا میں ساڑھے28 ہزار امریکی فوجی تعینات ہیں،جن کے لیے جنوبی کوریا 90 کروڑ ڈالر ادا کرتا ہے۔

دوسری جانب بیجنگ کاکہنا ہےکہ یہ نظام کوریا کی دفاعی ضروریات سے کہیں بڑھ کر ہے۔اسے خدشہ ہےکہ اس نظام کے ریڈار کی مدد سے امریکہ چینی فوج کی جاسوسی کر سکتا ہے۔

یاد رہےکہ اس سے قبل صدر ٹرمپ نے کہا تھا کہ وہ چاہتے ہیں کہ جنوبی کوریا اور جاپان دونوں خود اپنے دفاع کے اخراجات برداشت کریں۔

واضح رہےکہ پینٹاگون کے مطابق میٹس نے اپنی موجودگی کے دوران جنوبی کوریا کو یقین دلایا کہ اس خطے کے تحفظ کے لیے ٹرمپ انتظامیہ کا عزم ’آہنی‘ ہے۔

Comments

comments

یہ بھی پڑھیں