شہبازشریف جھوٹے وعدوں سےعوام کوبے وقوف بنانے نکلے ہیں: مولا بخش چانڈیو
The news is by your side.

Advertisement

شہبازشریف جھوٹے وعدوں سےعوام کوبے وقوف بنانے نکلے ہیں: مولا بخش چانڈیو

نوازشریف نے سندھ حکومت سے کیا ہوا ایک بھی وعدہ پورا نہیں کیا

کراچی: پیپلزپارٹی کے سینئر رہنما مولابخش چانڈیو نے کہا ہے کہ شہبازشریف جھوٹے وعدوں سےعوام کو پھربے وقوف بنانے نکلے ہیں.

ان خیالات کا اظہار انھوں نے شہباز شریف کے دورہ سندھ سے متعلق کیا، مولابخش چانڈیو نے کہا کہ شہباز شریف ذرا لاہور سے باہر نکل کر دیکھیں.

وفاق نے کراچی آپریشنز پر اٹھنے والے اخراجات میں اپنا حصہ نہیں دیا

مولا بخش چانڈیو

ان کا کہنا تھا کہ چند بڑے شہروں کےعلاوہ پورا ملک اندھیروں میں ڈوبا ہوا ہے، شہبازشریف نام نہیں، تو کم سے کم اپنا بیان ہی بدل دیں.

مولابخش چانڈیو کا کہنا تھا کہ کراچی کا امن ن لیگ نہیں، سندھ حکومت، رینجرز، پولیس کا کارنامہ ہے۔

انھوں نے الزام لگایا کہ نوازشریف نے سندھ حکومت سے کیا ہوا ایک بھی وعدہ پورا نہیں کیا، وفاق نے کراچی آپریشنز پر اٹھنے والے اخراجات میں اپنا حصہ بھی نہیں دیا.

پیپلزپارٹی کے سینئر رہنما نے کہا کہ شہباز شریف جھوٹے دعووں‌ سے پہلے چوہدری نثار کے بیان دیکھ لیں، چوہدری نثارنے پارلیمنٹ میں کراچی آپریشن کومتنازع بنانے کی کوشش کی، نثار دہشت گردوں کو للکارنے کے بجائے مخالفین کو بلیک میل کرتے رہے۔

انھوں‌ نے کہا کہ چوہدری نثارکی تقاریرپارلیمانی ریکارڈکا حصہ ہے، شہباز کاجھوٹ اب نہیں چلے گا، وفاقی حکومت نے کراچی آپریشن کو بھی سیاسی انتقام کے لئے استعمال کیا.


کراچی کو جنوبی ایشیا کا پیرس بنائیں گے ، شہباز شریف


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں