The news is by your side.

Advertisement

بھائی کی نااہلی پرمخالفین سے زیادہ چھوٹے میاں خوش ہیں، مولابخش چانڈیو

کراچی : پیپلز پارٹی کے سیکریٹری اطلاعات مولابخش چانڈیو نے کہا ہے کہ نوازشریف کی نااہلی پرمخالفین سے زیادہ ان کا بھائی خوش ہے، شہباز شریف سندھ کی فکر کرنے کے بجائے کرپشن مقدمات کا سامنا کریں۔

ان خیالات کا اظہار انہوں نے کراچی میں میڈیا سے گفتگو کرتے ہوئے کیا، وزیر اعلیٰ پنجاب کے دورہ سندھ کے حوالے سے مولا بخش چانڈیو نے کہا کہ چھوٹے میاں بڑے بھائی کی نااہلی کی خوشی میں جشن منانے ملک گیر دورے پر نکل پڑے ہیں۔

میاں شہبازشریف سندھ کی فکر چھوڑیں، کرپشن مقدمات کا سامنا کریں، مولابخش چانڈیو کا کہنا تھا کہ شہباز شریف بڑے بھائی کئے استقبال کیلئے اڈیالہ جیل کی صفائی کروا رہے ہیں، بے وفا بھائی کےجال میں سندھ کےلوگ نہیں آئیں گے،۔

مولابخش چانڈیو نے مزید کہا کہ سندھ کے عوام جانتے ہیں کہ وفاقی حکومت نے5 سال میں پیسے کہاں لگائے، بڑے بھائی کے وعدے پورے نہیں ہوئے اور چھوٹا لارے لپے لگانے یہاں آگیا۔

مزید پڑھیں: میاں صاحب نے جو بویا ہے وہ تو ضرور کاٹیں گے، مولا بخش چانڈیو

ایک سوال کے جواب میں پی پی رہنما نے کہا کہ کہیں ایسا نہ ہو کہ پنجاب میں ہونے والی مصنوعی ترقی خدا نخواستہ ایک بم بن کر صوبے میں تباہی پھیلائے۔

مزید پڑھیں : ن لیگ پر دباؤ آیا ہے تو انہیں بھٹو یاد آگیا، مولا بخش چانڈیو


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیاپر شیئر کریں۔

Comments

comments

یہ بھی پڑھیں