The news is by your side.

Advertisement

امریکی سازش ناکام بنا دی، آج کا نوجوان مغرب کے ساتھ نہیں:مولانا فضل الرحمان

پشاور: جمعیت علمائے اسلام(ف) کے سربراہ مولانا فضل الرحمان نے کہا ہے کہ ہم نے امریکی سازش یکسر کو ناکام بنا دیا ہے.

ان خیالات کا اظہار مولانا فضل الرحمان نے پیغام اسلام یوتھ کنونشن سے خطاب کرتے ہوئے کیا. ان کا کہنا تھا کہ مساجد  اور مدارس کا خاتمہ کرنا مغرب کا سیاسی ایجنڈاہے، اسلام  کوختم کرنا مغرب کا ایجنڈا ہے، مگر ہم نے اس سازش کو ناکام بنا دیا.

مولانا فضل الرحمان کا کہنا تھا کہ پاکستان کےعوام جانتے ہیں کہ جے یو آئی کا مقام کیا ہے، جے یو آئی جب بات کرے گی توامت مسلمہ کی بات کرے گی، ہم نے پاکستان میں سرگرم اسلام مخالف قوتوں‌ کو ناکام بنایا.


کیا ادارے ہمیشہ پارلیمنٹ کے خلاف استعمال ہوں گے؟ مولانا فضل الرحمان


انھوں نے اپنے مخالفین پر تنقید کرتے ہوئے کہا کہ کچھ لوگوں نے دعویٰ کیا تھا کہ وہ نوجوانوں کی جماعت ہیں، مگر دعوے داروں‌ کا موجودہ منظرکچھ اور کہانی بیان کر رہا ہے. ہمارے ساتھ وہ طبقہ وابستہ ہے، جودینی جذبات رکھتا ہے.

مولانا فضل الرحمان کا کہنا تھا کہ میں ایک نظریاتی جنگ لڑرہا ہوں، اینٹی پاکستان فکر کا نمائندہ نہیں، ہم خاموش ہیں تو اس کی بھی ایک وجہ ہے.


سینیٹ انتخابات: منتخب نمائندوں کی منڈیاں لگنا افسوسناک ہے، فضل الرحمان


ان کا کہنا تھا کہ آج کا نوجوان مغرب کاساتھی نہیں ہے، آج ہمیں اس مائنڈ سیٹ کوتبدیل کرنا ہے، ہم اس کے لیے کوشاں ہیں.


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں