The news is by your side.

Advertisement

آزادی مارچ کے انتظامات کو جلد حتمی شکل دیں: مولانا فضل الرحمان کی کارکنان کو ہدایت

اسلام آباد: جے یو آئی ف کے سربراہ مولانا فضل الرحمان نے کارکنا کو ہدایت کی ہے کہ وہ حکومت مخالف آزادی مارچ کے انتظامات کو جلد حتمی شکل دیں۔

تفصیلات کے مطابق آج مولانا فضل الرحمان کی زیر صدارت میں جے یو آئی ف کا اجلاس منعقد ہوا جس میں آزادی مارچ کے انتظامات کا جائزہ لیا گیا۔

اجلاس میں آزادی مارچ کے مقام ڈی چوک پر انتظامات کا بھی جائزہ لیا گیا، مولانا فضل الرحمان نے کہا کہ کارکنان پر امن طور پر 27 اکتوبر کو اسلام آباد پہنچیں۔

تازہ ترین:  آزادی مارچ ، عدالت کا اسلام آباد انتظامیہ کو امن و امان برقرار رکھنے کا حکم

مولانا نے کارکنوں کو ہدایت جاری کی کہ آزادی مارچ کے انتظامات کو جلد حتمی شکل دیا جائے، کارکن اپنی تیاریاں تیز کر دیں اور منفی پروپیگنڈے کا حصہ نہ بنیں۔

واضح رہے کہ آج اسلام آباد ہائی کورٹ میں مولانا فضل الرحمان کے حکومت مخالف دھرنے کے خلاف سماعت ہوئی، جس کے دوران جج نے اسلام آباد انتطامیہ کو امن و امان برقرار رکھنے کا حکم جاری کیا۔

تازہ ترین:  پیپلزپارٹی آزادی مارچ کی حمایت کرتی ہے، بلاول بھٹو

درخواست گزار شہری حافظ احتشام نے عدالت سے استدعا کی کہ آزادی مارچ اور دھرنا روکا جائے، سپریم کورٹ اور ہائی کورٹ کا فیصلہ ہے کہ دھرنا مختص جگہ پر ہو۔

جسٹس اطہر من اللہ نے ریمارکس میں کہا کہ اگر ضلعی مجسٹریٹ سے دھرنے کی اجازت نہیں لی جائے گی تو دھرنا نہیں ہوگا۔

دریں اثنا، آج چیئرمین پیپلز پارٹی بلاول بھٹو زرداری نے کہا ہے کہ پیپلز پارٹی مولانا فضل الرحمان کے آزادی مارچ کی حمایت کرتی ہے، جمہوری معاشرے میں احتجاج ہر شہری کا بنیادی حق ہے۔

Comments

comments

یہ بھی پڑھیں