The news is by your side.

Advertisement

‘مولانا نے فرمائش کی مجھے وزیراعظم بنائیں ہم آپ کیلئے حاضر ہیں’

اسلام آباد : وفاقی وزیر فواد چوہدری نے کہا ہے کہ ڈیپ اسٹیٹ پر انحصار بری بات ہے اور مولانا سب سے بڑی ڈیپ اسٹیٹ کے پاس گئے۔

ان خیالات کا اظہار وفاقی وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹؤئٹر پر مولانا فضل الرحمٰن پر تنقید کے نشتر چلاتے ہوئے کیا، انہوں نے کہا کہ مولانا فضل الرحمٰن 1988 سے 2010 تک ہر حکومت کا حصہ رہے۔

فواد چوہدری نے کہا کہ ڈیپ اسٹیٹ پر انحصار بری بات ہے اور مولانا فضل الحمٰن سب سے بڑی ڈیپ اسٹیٹ کے پاس گئے۔

انہوں نے کہا کہ مولانا نے فرمائش کی تھی کہ مجھے وزیر اعظم بنائیں ہم آپ کےلیے حاضر ہیں۔

وفاقی وزیر سائنس اینڈ ٹیکنالوجی کا اپنے ٹوئٹ میں مولانا کو مخاطب کرتے ہوئے مزید کہنا تھا کہ پاکستان میں ہوں تو جنگ بیچتے ہیں امریکا کو شدت پسندی کا علاج، حکیم ہو تو ایسا۔

Comments

یہ بھی پڑھیں