The news is by your side.

Advertisement

مولانا طارق جمیل کی وزیراعظم عمران خان سے ملاقات

اسلام آباد: نامور پاکستانی مبلغ اور اسکالر مولانا طارق جمیل کی وزیراعظم عمران خان سے اہم ملاقات ہوئی۔

تفصیلات کے مطابق ممتاز اور نامور مبلغ مولانا طارق جمیل عمران خان سے ملاقات کرنے کے لیے اسلام آباد پہنچے، وزیراعظم نے اُن کا پرتپاک استقبال کیا اور بغل گیر بھی ہوئے۔

دورانِ ملاقات باہمی دلچپسی اور مذہبی ہم آہنگی سے ملاقات تفصیلی بات چیت ہوئی۔ اس موقع پر تحریک انصاف کے رہنما اور عمران خان کے معاونِ خصوصی نعیم الحق بھی موجود تھے۔

یاد رہے کہ مولانا طارق جمیل معروف مبلغ ہیں جن کے پاکستان سمیت دنیا بھر میں لاکھوں کی تعداد میں پرستار موجود ہیں، انہیں رواں سال یوٹیوب کی جانب سے گولڈن بٹن کا اعزاز بھی دیا گیا تھا۔

گزشتہ برس دسمبر میں مولانا طارق جمیل نے عوام کے نام ایک ویڈیو پیغام میں کہا تھا کہ عمران خان وہ واحد حکمران ہے جنہوں نے ریاست مدینہ کی بات کی، عوام سے اپیل ہے وزیراعظم عمران خان سے بھرپور تعاون کریں۔

انہوں نے کہا تھا کہ عمران خان نے بڑے منصوبے صرف عزم و حوصلے سے شروع کیے، 100 فیصد یقین ہے کہ عمران خان دیانت دار اور مخلص ہیں، اب قوم فیصلہ کرے، جھوٹ، فراڈ اور ظلم کا راستہ چھوڑ دے، عوام رشوت، زیادتی کا راستہ چھوڑ کر سچائی، محبت کا راستہ اپنائیں۔

مذہبی اسکالر کا کہنا تھا کہ یہ پہلا حکمران ہے جس نے مدینے کی فلاحی ریاست کا منشور پیش کیا، میں ان کو سلام پیش کرتا ہوں۔

Comments

یہ بھی پڑھیں