The news is by your side.

Advertisement

مولانا کا پلان بی عوام کیلئے تکلیف کا سبب بن رہا ہے: سعیدغنی

کراچی: وزیراطلاعات سندھ سعید غنی کا کہنا ہے کہ مولانافضل الرحمان کا دھرنے سے متعلق پلان بی عوام کے لیے تکلیف کا سبب بن رہا ہے، جے یوآئی نے پلان بی اور پلان سی پر اعتماد میں نہیں لیا۔

تفصیلات کے مطابق پیپلزپارٹی نے بھی مولانا فضل الرحمان کے دھرنے کو عوام کے لیے مصیبت قرار دے دیا، سعید غنی کا کہنا ہے کہ جمعیت علمائے اسلام ف نے دھرنے سے متعلق دیگر پلان پر اعتماد میں نہیں لیا، مولانافضل الرحمان اپنے فیصلوں اور پلان پر نظرثانی کریں۔

جمیعت علمائے اسلام ف کے سربراہ مولانا فضل الرحمان کے اعلان کے بعد 15 نومبر سے پلان بی پر عمل شروع ہوچکا ہے، اس سلسلے میں کارکنوں کو ہدایت نامے جاری کیے گئے جس کے تحت کارکنان اہم شاہراہوں پر دھرنا دیے بیٹھے ہیں۔

اسی سلسلے میں پلان بی کو روکنے کے لیے لاہور ہائی کورٹ میں درخواست بھی دائر کی جاچکی ہے، جس میں کہا گیا ہے کہ پلان بی غیرقانونی اورغیرآئینی قرار دے کر کالعدم کیا جائے اور مولانا فضل الرحمان ودیگر کے خلاف فوجداری کارروائی کا حکم دیا جائے۔

جے یو آئی ف کا پلان بی، کارکنوں کے دن کے اوقات میں شاہراہوں پر دھرنے

خیال رہے کہ آج میڈیا سے گفتگو کرتے ہوئے گورنر سندھ عمران اسماعیل کا کہنا تھا کہ جے یو آئی کا دھرنا آخری ہچکیاں لے رہا ہے، جےیوآئی (ف) اور مولانا صاحب سےعوام خود تنگ ہیں، حکومت اور اتحادیوں کے درمیان کوئی مسئلہ نہیں ہے، چھوٹی موٹی شکایات ہوتی ہیں جو دور بھی ہوجاتی ہیں۔

Comments

comments

یہ بھی پڑھیں